NLW MS. Peniarth 11 – page 143r
Ystoriau Saint Greal
143r
vot yn ỻawen. Pa|ryỽ wr yỽ dy arglỽyd di heb·y gỽalchmei. Arglỽ+
yd heb ynteu ˄y marchaỽc urdaỽl goreu o|r hoỻ vyt yỽ ef. ae marỽ
yỽ ef heb·y gỽalchmei. Na varỽ os da|gan duỽ heb·y gỽas. eissyo+
es ny bu lawen ef yr ys|talym. Pỽy y henỽ ef heb·y gỽalchmei.
Arglỽyd heb ef paredur y gelwir ef. a aỻaf|i heb·y gỽalchmei w+
ybot pa|le y mae ef. Na eỻy arglỽyd drỽydof|i heb ef. namyn
hynn a|dywedaf|i yn|ỻe gỽir y vot ef yn|y fforest honn. Gwalch+
mei a weles y mab yn was ieuanc tec ac yn wylaỽ yn hidyl.
A vnben heb·y gỽalchmei paham yd|wyly di. arglỽyd heb yntev
ny bydaf lawen i vyth yny darffo ym vynet yn veudỽy. yr ia+
chau vy eneit. kanys mi a|wneuthum y pechaỽt mỽyaf o|r
a|aỻei neb y wneuthur. kanys mi a|ledeis vy mam o achaỽs
dywedut o·honei na|bydỽn vrenhin ar ol vyn tat. namyn
hi a|barei vy mot yn vynach. a phan wybu vyn|tat i lad o·hon+
af|i vy mam. ynteu a|beris gỽneuthur meudwydy ac a aeth
yn veudỽy. ac a edewis y vrenhinyaeth. a minneu a|welaf ~
nat teilỽng y minneu gynnal y vrenhinyaeth ef o achaỽs
vyn|diruaỽr bechaỽt. ac am hynny y medylyeis inneu vot
yn iaỽnach y mi benydyaỽ vyng|corff noc y|m tat. A vnben
heb·y gỽalchmei pỽy dy henỽ di. Ef a|m gelwir i ioseus ~
a mi a|hanwyf o|lines ioseph o arimathia. a|m tat a elwir
brenhin peles. yr hỽnn yssyd yn veudỽy yn|y fforest honn.
a|m ewythyr yỽ brenhin peleur. a|r bren* o|r casteỻ marỽ he+
vyt. a|r wreic wedỽ o gasteỻ camalot yssyd vodryb ym. A|m
keuynderỽ yỽ paredvr y mab hitheu. ~
G walchmei ar hynny a|aeth ymeith. ac a|uv dost gan+
thaỽ.
| « p 142v | p 143v » |