NLW MS. Peniarth 11 – page 189r

vynnỽn y welet ef yn ỻawen heb ef. Kanys arthur a|m an+

vones i o|e geissyaỽ ef yr pan aeth ef odyma. Nyt haỽd·weith

y gael ef heb y|meudỽy. Laỽnslot yna a|aeth y|r capel ac a

arganuu y daryan a|dugassei ef o lys arthur yno. arglỽyd

heb·y laỽnslot weldy racko y daryan ef. ac yr duỽ na chel ef ra+

gof. Myn|vyng|cret nys kelaf heb y meudwy. dilis yỽ y dare+

an ef yỽ honn racko. ynteu a|duc taryan araỻ odyma yn eu+

reit a|chroes goch yndi. Am·beỻ vu y titheu a gwelet gỽalch+

mei heb ef. Na|weleis i heb y meudỽy dim ohonaỽ ef yr pan

euthum yn veudỽy. Arglỽyd heb y meudỽy ymogel di rac

pedwar marchaỽc urdaỽl y rei yssyd gereint y|r gỽyr a gro+

geist di. Ac y|maent ỽy y|th geissyaỽ di ym|pob ỻe yn|y fforest

honn. ac y|maent yn|ỻadron drut megys yr oed y ỻeiỻ. a|e

cartref ỽynteu yssyd yn|y fforest honn yn wastat. a mi a

archaf ytti yr duỽ vot yn|da dy aruot yn eu herbyn. veỻy

y bydaf|i os da gan duỽ heb·y laỽnslot. Y nos honno y kys+

gaỽd ef yno. a|thrannoeth gỽedy offeren ef a gymerth y

gennat ac a aeth ymeith dan wediaỽ duỽ ar|gyfaruot pare+

dur neu walchmei ac ef. ac ueỻy laỽnslot a|aeth ymeith dr+

ỽy yr estronyon fforestyd. yny doeth hyt yn ymyl casteỻ y

myỽn eistedua dec. ac o|r casteỻ ef a welei uarchaỽc urdaỽl

yn marchogaeth ar vrys tu a|r fforest. ac ederyn ar y laỽ

A|phan|weles ef lawnslot. ef a safaỽd. ac a|e grassawaỽd.

antur da heb·y laỽnslot a|rodo duỽ yttitheu. a|pha|ryỽ gas+

teỻ yỽ hỽnn. Arglỽyd heb y marchaỽc casteỻ y kylc˄h eur y

gelwir ef. ac yr ỽyf|inneu yn mynet yn erbyn bonhedigyon

y wlat honn. y rei yssyd yn|dyuot y adoli y kylch eur. Pa ryỽ