NLW MS. Llanstephan 27 (The Red Book of Talgarth) – page 15r
Ystoria Lucidar
15r
udunt. kanys tỽyỻỽr yỽ y neb a|adefo kyfrinach y arglỽyd y|r
neb a|wypo y vot yn elyn idaỽ. Odyna y gorchymynnir ual
hynn. na rodỽch chỽi y bara bendigeit y|r kỽn. ac na vyrỽch
y gemeu y|r moch rac eu sathru dan eu traet a gỽattwar am+
danaỽch. ỻe ny wyper hagen eu|bot ỽynteu ueỻy. ef a dylyir
pregethu udunt o|e trossi y|r iaỽn. a|r arglỽyd a bregethaỽd
gynt y bedyr ac y|r ebystyl am wybot bot iudas a|r pharistyỽ+
yssogyon yn tervysgu. discipulus A|dylyir eu godef ỽynteu ual y godef+
aỽd crist iudas. Magister Ef a|dylyir ymgyffelybu ac ỽynt yny
del crist e|hun a|r nithlen ganthaỽ y ethol y graỽn pur o blith
y peisswyn. ac y vỽrỽ y gỽyc yn|y tan. ac y|dwyn y gỽenith y
ysguboryeu. discipulus Gỽrthledit duỽ bob drỽc y ỽrthyt gan dy gyfle+
hau yn|y nef. ac ueỻy y teruyna y ỻyuyr kyntaf o ansaỽd yr
B Jt lawen vy eneit i yn|yr arglỽyd am [ eglỽys.
ry waret nywlen anwybot y arnaf. ac am vyng|go+
leuhau o baladyr doethineb. ỽrth hynny tegỽch y|r eglỽys
mi a|eruynnaf ytt gennattau ymi govyn ytt betheu ere+
iỻ etto. Magister|Govyn yr hynn a|vynnych a|thi a|glywy yr hynn
a|chwennychych. discipulus Ef a|dywedir am drỽc nat dim. a ryued
yỽ y duỽ gyfyrgoỻi engylyon na dynyon yr gỽneuthur
peth heb dim ohonaỽ. os ryỽ·beth yỽ drỽc ef a|welir mae y
gan duỽ y byd. kanys duỽ a|wnaeth pob peth. ac yna y
profir mae duỽ yssyd aỽdur y|r drỽc. ac ỽrth hynny cam yỽ
bỽrỽ yng|kyfyrgoỻ y neb a|wnel drỽc. Magister Gỽir yỽ mae duỽ a|w+
naeth pob peth. ac ỽrth hynny y profir nat dim drỽc herỽyd
gaỻu. kanys pob gaỻu yssyd da. a|r|drỽc nyt oes aỻu idaỽ.
ỽrth hynny nyt|dim. a megys y dywedir. Deỻi yn|y ỻe ny
| « p 14v | p 15v » |