NLW MS. Peniarth 11 – page 173v

ac am|dỽyn ohonaỽ y chasteỻ y genthi. Yna paredur a|dynnaỽd

y gledyf ac a|doeth attaỽ ar y draet. ac a|geissyaỽd y daraỽ ym

perued y benn. ac ny ffaelyaỽd ef o gỽbỽl. namyn ef a|dorres

y helym a|r|bennguch. a|r|kic a|r croen yny vyd y cledyf deu let

bys yn|y benn. ac yny vyd ynteu ar|benn y lin y|r ỻaỽr. A phan

wybu gaos y vrathu yn|drỽc. ef a|lidiaỽd yn vaỽr. ac a|nessaa+

ỽd att baredur. ac a|ossodes arnaỽ dyrnaỽt maỽr yny yttoed y ly+

geit yn|disserennu ac yny lithyr y dyrnaỽt ar|y daryan. ac yny

hyỻ y daryan hyt y bogel. Pan gigleu paredur drymet y dyrnaỽt

hỽnnỽ. ef a|doeth tu ac attaỽ ynteu ac a|geissyaỽd yr eil dyrnaỽt

ar y benn. namyn y arueu a|e gochelaỽd. ac a|peris y|r|breich

deheu a|r cledyf ehedec y|r maes. Ac yna caos a|duc hỽyl y ba+

redur ac a|geissyaỽd y odiwes a|r breich assỽ idaw. Eissyoes y  ̷

gedernit ef a|oed wedy gỽanhau yn vaỽr. Ac yna paredur heb

dim o|e garyat a|vryssyaỽd o|e diua. ac a|e trewis ar|hyt y

benn. yny vyd yr emennyd yngkylch y glusteu. Y dylwyth a|e

wassanaethwyr a|odynt* yn|y ffenestri y vyny yn|y neuad. A

phan welsant ỽy eu harglỽyd yn varỽ. ỽynt a|dywedassant ~

ỽrth paredur. arglỽyd ti a|ledeist y marchaỽc dewraf a|chreulonaf

a phenedickaf o|r a|oed yn|y gỽledyd hynn. arglỽyd ti a|wdost

panyỽ y casteỻ hỽnn a vu eidaỽ dy vam di. ac am hynny gỽna

di dy ewyỻys ohonaỽ ac oc yssyd yndaỽ. a goỻỽng di uyui att

yn harglỽyd o|e|dỽyn y gyssegyr. Goỻyngaf y·rof a|duỽ heb·y

paredur. Ac yna ỽynt a|dugassant y corff y|r capel. ac a|dynnas+

sant y arueu y amdanaỽ. ac a|rodassant idaỽ amdo. a gỽedy

hynny ỽynt a|doethant y|r neuad att baredur. ac a|diosgassant