Oxford Jesus College MS. 119 (The Book of the Anchorite of Llanddewi Brefi) – page 54v
Ystoria Lucidar
54v
y|kyuyt yr holl veirỽ a|drỽc a da y|vyny. Pa vn
yỽ y|gyuodedigaeth gyntaf. Megys y|mae
deu anghev. Velle y|mae dỽy gyuodedigaeth.
vn yr kyrff. ac arall yr eneideu. pann becho y
dyn y byd marỽ yr eneit. ac ymadaỽ ohonaỽ
a duỽ yn|y vyỽyt. Ac yn|y corff megys yn|y
bed y cledir. pann ymhỽelo hagen drỽy benyt
at duỽ. y|kyuyt yn vyỽ megys o aghev. a chy+
uodedigaeth yssyd yr kyrff. Pa dyd. Yn dyd pa+
asc e|hun yn|yr vn aỽr ac y|kyuodes crist o|veirỽ.
A|uyd neb yna. Byth. kynn|gyfulaỽnet o dyn+
yon ac y|mae hediỽ. ac yn llauuryaỽ megys
yr aỽr honn. Rei yn eredyc. ereill yn morỽydaỽ
Ereill yn adeilat. Ereill yn gỽnneuthur pe+
theu ereill. Beth a|uyd y|rei hynny. Pann gy+
uotto y|rei gỽirion engylyon a|e tynn ỽyntev
yr aỽyr yn erbyn crist a|e etholedigyon. ac a
vont vyỽ a|dyfuynnir yno ygyt. Ac yn|y tyn+
nedigaeth hỽnnỽ y|bydant veirỽ. Ac y|daỽ y
heneideu yndunt dracheuen yna yr aỽr honno.
Ac velle y daruu y|veir. a Jeuan ebostol. Me+
ir gỽedy y|marỽ. a|gymerth y|chorff. ac a a+
eth yr nef. a Jeuan a|dyrchafuỽyt yn|y gorff
a|e eneit y|vynyd. ac yn hynny y|credir y|va+
rỽ. Ac yn|y lle y|vyỽ dracheuen. Y|rei drỽc
| « p 54r | p 55r » |