Breudwd Welsh Prose 1300-1425
Cymraeg

NLW MS. 3035 (Mostyn 116) – page 120r

Brut y Brenhinoedd

120r

aỽl Ac ỽrth hyny ỻityogach vu y kaỽr. Ac megys
baed coet ar hyt yr aỽch·wayỽ yn kyrch·u yr helyỽr
veỻy ar hyt y gledyf kyrchu arthur a oruc a meglyt
yndaỽ am y| wregys a| e dra·vodi yny vyd ar ben y lin
y| r ỻaỽr Ac yn| y ỻe galỽ a oruc arthur y| nerthoed attaỽ
a| ỻithraỽ o| e dỽylaỽ ac o pop parth idaỽ y fustaỽ yr ag+
henuil hỽnnỽ a| r cledyf hyt pan gauas agheuaỽl dyrn+
aỽt a| r cledyf yn| y ben hyt yr ymenyd A| diaspat a
dodes y kaỽr. A| megys derwen a diwreidei y gỽynt
syrthyaỽ gan diruaỽr dỽrỽf a oruc. A chỽerthin a| o+
ruc y brenhin Ac erchi ỻad y pen o vedwyr a| e| rodi ar
vn o| r gỽeisson y dỽyn y|plith y| ỻu o| e dangos yn ryfe+
daỽt Ac yna y ducpỽyt. Ac yna y| dywaỽt arthur na
ry gaỽssei eiroet yr eil gỽr kyn deỽret a hỽnỽ eithyr
richa gaỽr a| ymladassei ac ef ac a| ladassei yn eryri
hỽnỽ a| wnathoed idaỽ pilis o varueu brenhined a ry
ladyssei. Ac anuon a oruc at arthur y erchi idaỽ blig+
aỽ y varyf e| hunan a| e anuon idaỽ. Ac megys yd
oed arthur yn ben ar y brenhined ynteu a dodei y
varyf ef yn vchaf ar y| pilis o| r barueu ereiỻ oỻ yn
enryded y arthur. Ac o·ny wnelei ef hyny. erchi y
arthur dyuot y gatwent ac ef. A| r trechaf onadunt
kymerei bilis a| baryf y| ỻaỻ. A| gỽedy eu mynet y ymlad
y| kauas arthur y vudugolyaeth ac y kymerth y varaff
a| r pilis. A gỽedy hỽnnỽ ef a| dywedei na chyhyrdỽys ac
ef eiroet yr eil gỽr kyn deỽret a| r ỻaỻ. A gỽedy kaffel
o arthur y vudugolyaeth hono. yn yr eil ỽylua o| r nos
ỽynt a doethant y eu pebyỻeu a| r pen gantunt A| r
toruoed pop eilwers yn rydec y edrych ar yr enryfe+
daỽt hỽnnỽ gan talu molyant y| r gỽr a| waredassei