Oxford Jesus College MS. 119 (The Book of the Anchorite of Llanddewi Brefi) – page 56r
Ystoria Lucidar
56r
A holl radev yr engylyon ygyt. Ar engylyon yn
dỽyn y|groc o|e vlaen. Ac yn deffroi y|meirỽ o
lef ac o gornn y|dyuot yn|y erbyn. Ar holl def+
nydyant a gyffroant o tymestyl ganndeira+
ỽc o tan. Ac oeruel o|bop mann. megys y|dyỽe+
dir. Yr holl vyt a ymlad drostaỽ yn erbyn yr
ynvydyon. Ac yglynn iosaphath y|byd y|vra+
ỽt. Yn emyl mynyd yn wastat y|byd glynn.
Glynn yỽ y|byt hỽnn. a mynyd yỽ y|nef. vrth
hynny yn|y glynn. Sef yỽ hynny yn|y byt
hỽnn y byd y|vraỽt. nyt amgen noc yn|yr a+
ỽyr yn|y lle y gossodir y|rei gỽirion megys de+
ueit ar|deheu crist. A rei ennỽir megys myn+
nev ar y|tu asseu. Ac y|tu dehev y|vynyd yn|y o+
gonnyant. Ac o|r tu asseu yỽ y|waeret yn|y day+
ar. a rei gỽiryon a|dyrcheuir yr goruchelder o
dỽy asgell caryat. megys y|dyỽedir. y seint
a gymerant a·daned megys eryrot. Y rei enn+
ỽir a|yystyngir y|waret yr llaỽr o|bỽys pecho+
deu y|glynnassant vrthunt oc ev holl gallonn.
Ym pa furyf yd ymdengys yr arglỽyd yno yr
etholedigyon. yn|y ffuryf y|bu yn|y mynyd.
Y|rei ennỽir yd ymdengys yn|y|ffuryf y dibyn+
naỽd yn|y groc. A|uyd y groc yno. nyt amgen
no|r prenn y|dibynnaỽd yr arglỽyd arnnaỽ.
| « p 55v | p 56v » |