NLW MS. Peniarth 9 – page 19v
Ystoria Carolo Magno: Rhamant Otfel
19v
lengers. A|thỽrpin archescob. A gerers. Ac er+
told. Ac otuel. A Neimys tywyssaỽc. Ac oger
lydanais. hỽynt a dyrchauyssynt y ffenestri
vchel. Ac odyno hỽy a welynt yn dyuot gỽ+
yr yr almayn. A|bauiers. A|loriergs. Ac an+
geunis. A gỽasgỽyn. A beriuers. A phettaỽ.
A phrouencel. A birgỽin. A phlandrys. A phu+
ers. A|normandi. Ar bryttyannyeit yn dy+
uot a|y taryaneu wedy lliỽaỽ yn betwar+
yrayneu. ac yn arwein eu hemys drythyll
yn eu deheuoyd. ac yn anaỽd y neb o hynny
o wladoyd ym erbynneit a hỽy. nyt oyd vn
o·honunt ny bei petwar Jsanier idaỽ val y
gellynt o|r bei reit udunt rac llaỽ wneuth+
ur marchogyon onadunt. Ac y dan vynyd
y merthyri yd|aythant yn vilyoyd y|gy+
AR dyd kyntaf o ebrill pan ol +[ uarhos.
euhaỽys y dyd y kychwynnỽys y bren+
hin a|y lu o paris ac y deuthant y seint dy+
nis ac odyno y dechreussant eu fford. ac y
kymersont gannyat. Ac yr adaỽssant eu
gỽraged a|y tylỽytheu yn ỽylaỽ ac yn
melltigaỽ garsi. Ac y canyssant hỽynteu
eu kyrn. ar saỽl y buassei wreic tec idaỽ r*
eiroyt neu orderch vonhedic yn mynet
yna gyt ar brenhin y lỽmbardi a rolont
a ossodet yn dywyssaỽc ar y llu o|r blayn.
A Naimys tywyssaỽc kadarn y gadỽ yr
ol. Nyt edewis otuel hagen y orderch namyn
| « p 19r | p 20r » |