NLW MS. 3035 (Mostyn 116) – page 12r
Ystoria Dared
12r
teu a a*|gyfeistydyỽys y|kestyỻ a|thranoeth hector a duc
y lu y|maes o|r gaer a|mynet y|myỽn y gasteỻ gỽyr go+
roec a|wnaeth ef. ac yna agamemnon o lef maỽr a
dyskỽys y|nifer pa|wed yd ymledynt ac ymlad yn greu+
laỽn lidyaỽc a|wnaethant ac yna y|ỻas menriades
tywyssaỽc o roec a|r gỽẏr trechaf a|deỽraf a ledit ẏn
gyntaf. kanys mỽyaf ẏd|ymyrynt. ac yna heuyt ector
a|ladaỽd patroclus. ac a|e kymerth o|e arueu ac a|e
hyspeilaỽd ac odyna yd ymlynỽys ef meirionem ac
y ỻadaỽd a|phan yttoed ef yn mynu y yspeilaỽ y deuth
monestius ac y|brathaỽd ector yn|y vordỽyt ac ynteu yn
vrathedic a|ladaỽd ỻawer o vilyoed ac a amdiffynỽẏs
y|maes o|wyr goroec ac a|e ffoes hyt pan deuth aiax
telomonius yn|y erbẏn ac val yr oedynt yn ymlad yr
adnabu ector hanuot aiax telamonius o|e genedyl
ef. kanys mab oed aiax y essonia whaer y|briaf y|tat
ynteu. a|gỽedy daruot hẏnẏ hector a|orchymynỽys
galỽ drachefẏn y|tan o|r ỻogeu ac ymadraỽd a|wnaeth
pop vn a|e gilyd ohonunt pop eilwers ac yn gyfeiỻon
yd aethant hỽẏ odyno a|thranoeth adolỽyn a|wnaeth
gỽyr goroec kygreir dỽy vlyned megys y gaỻei achil
kỽynaỽ patroclus y|vraỽtuaeth a gỽyr groec kỽynaỽ
y|kefeiỻon. agamemnon a anrydedỽys corff patessalaus
o anrydedus wassanaeth a|phryderu a|wnaeth am gladu
y|kyrff ereiỻ oỻ. ac achil a|dychymygỽys gỽaryeu a|di+
danỽch odidaỽc anrydedus y|wassanaethu corf petroclus
y|vraỽt·vaeth a|tra|yttoed y gygreir ny orffoỽyssỽys pa+
lamites tywyssaỽc o|roec yn dechymygu bredychu a|dy+
wedut a|wnaeth ef bot agamemnon yn anhebic ac yn
anheilỽg y vot yn vrenhin ac y|orchygardu y|ỻu a|e vot
| « p 11v | p 12v » |