NLW MS. Peniarth 11 – page 55v

ac na eỻeist edrych arnaỽ. Ac yna ef a|aeth an·obeith ynot ual

y tybyeist na|wnaei duỽ a thi chweith trugared. Ac yna y

doethant y meudwyeit a|r gỽyrda creuydus ac y|th dalyassant

ac y|th|dugant ti y fford y vuched a|r wirioned yr honn yssyd

yn ir yn wastat. ac a eỻir y chyffelybu y|r fforest. ac y|th gho*+

rassant ti ar les dy eneit. A|phan doethost di y ỽrthunt hỽy

nyt aethost y|th hen|fford a|th hen bechodeu. Yr hynny ual

kynt pan|doeth cof ytti y gỽeithredoed a|notaut y|wneuthur.

yr kaffael clot y byt hỽnn a|e valchder. yna ti a|dristeeist am

na aỻut oruot ar y b˄leit yr oedut yn|y herbyn. o|r achaỽs y

ỻidiaỽd Jessu grist ỽrthyt titheu. ac y|dangosses ytt hynny yn

dy gỽsc drỽy dywed* dy vot yn drỽc ac yn|dlaỽt o gret. ac a|duc

ar gof ytt onyt ymogelut y|th vwryei y|r gỽas drỽc yng|gỽ+

aelaỽt uffern. a|ỻyna vi gỽedy dywedut ytti beth a|arỽydocka+

ei y tỽrneimant a|th vreudỽyt rac mynet o·honat y ar dy

fford yng|clot orwac. A gỽybyd di o|r gỽney dim yn erbyn dy

arglỽyd. ef a|at ytti vynet y o|r pechaỽt py gilyd yny elych y

waelaỽt uffern. Yr anckres yna a|daỽaỽd. ac ynteu a|dywaỽt.

Arglỽydes heb ef tydi a|r gỽyrda o|r blaen a|m dysgassaỽch yn

gymeint a phei syrthyỽn i myỽn pechaỽt marwaỽl. ef a|dyly+

it vy|ngherydu yn vỽy noc araỻ. Duỽ a|th dihango heb hi+

theu rac syrthyaỽ myỽn pechaỽt. Y fforest honn heb hi nyt

kyn|amlet kyuanned yndi ac yr|oed reit. Ac am hynny kyng+

hor oed gennyf|i ytti. ony chefeist vỽyt kymryt o·honat y

ryỽ alussen ac a|danuonaỽd duỽ ymi. Myn vyng|cret heb

ynteu ny phrofeis dim bỽyt na|hediỽ na|doe. Ac yna yr