Oxford Jesus College MS. 119 (The Book of the Anchorite of Llanddewi Brefi) – page 130r
Breuddwyd Pawl
130r
duỽ. Y rei a|ỽely di hyt y|haeleu a laỽennassant o gỽ+
ympeu y kymodogyon. Odyna ef a|ỽelei lle ofynaỽc
yn gyfulaỽnn o|ỽyr a gỽraged yn knoi y|tauodev.
llyma heb angel vrth paỽl yr ockyrỽyr a|ỽnaethant
vsur ac ockyr. Ac a|e keissassant. Ac ny buant trugar+
aỽc vrth y|gỽeineint. Ac vrth hynny y bydant ỽy
yn|y poen hỽnn hyt dydbraỽt. Odyna paỽl a|ỽelas lle
arall o bop ryỽ boen yndaỽ. Ac yno yd oedynt mor+
ynyon duon pyclyt a gỽiscoed duon pyglyt amdana+
dunt. A|dreigeu tanllyt a seirff. a nadred gỽenỽyn+
nic yn dorchev am|y mynnyglev. A naỽ kythreul ysgith+
raỽc. A chyrnn tanllyt arnunt yn|y harheilaỽ. Ac
yn|y agkreiffyaỽ. Ac yn dyỽedut vrthunt. Adnybyd+
dỽch chỽi vab duỽ byỽ y gỽr a|brynaỽd y|byd o|e ỽerth+
vaỽrỽaet. A gouyn a|oruc paỽl yna yr agel pỽy oed+
dynt. llyma heb ef y|neb ny chedỽis y diỽeirdeb. Ac
a|bechassant vrth y karant. Ac a torrassant y|priodas+
seu. Ac a ladassant eu plant. Ac a|e byrryassant yn
vỽyt yr pryfet. neu y|myỽn dỽfyr o|e bodi. nev yg
kyfyrgoll arall. Ac ny ỽnaethant y penyt kynn ag+
hev. Odyna ef a ỽelei gỽyr a gỽraged y|myỽn tan a ia.
ar tan yn llosci y neill hanner vdunt. ar oeruel y+
n|y crydv o|r|tu arall. Ac yn|y kryfuachv. llyma heb yr
agel y|neb a argyỽedaỽd yr ymdifeit ar|gỽraged gỽe+
dỽon. Odyna ef a|ỽelei yn lle arall hen ỽr yn rỽym rỽg
| « p 129v | p 130v » |