NLW MS. Peniarth 19 – page 54r
Brut y Brenhinoedd
54r
221
dyuot a diruaỽr lyghes gan+
thunt. y oresgyn ac y dial ag+
heu eu tat a|e braỽt arnaỽ.
A C odyna ar hynny nachaf
deir ỻog hiryon yn disgyn+
nu yn sỽyd geint y|r tir yn ỻaỽn
o varchogyon aruaỽc a|deu
vroder yn dywyssogyon arnad+
unt. Sef oed eu henweu hors
a|hengyst. Ac yn|yr amser hỽn+
nỽ yd oed wrtheyrn yn dinas
doroben. Sef dinas yỽ hỽnnỽ
yn aỽr kaer geint. a chennadeu
a|doeth att y brenhin y venegi
idaỽ ry|dyuot gỽyr maỽr hydỽf
heb wybot o pa le yd hanhoed+
ynt y|myỽn ỻogeu hirion. a
rodi naỽd udunt a|oruc gỽrth+
eyrn. ac erchi eu dỽyn attaỽ ef.
A gỽedy eu dỽyn rac y vronn. ar+
ganuot yn|y ỻe a|oruc gỽrtheyrn
y deu vroder a|oed yn dywyssogy+
on ar y rei ereiỻ. kanys ragor
oed arnadunt o bryt a gosged
a theleitrỽyd rac y rei ereill. A
gỽedy edrych arnadunt. govyn
a|oruc. pỽy oedynt. a pha|le pan
hanhoedynt. a phy daear y ma+
gyssit arnei. a phy achaỽs y da+
thoedynt y deyrnas ef. Ac yna y
rodes hengyst atteb idaỽ dros y
gedymdeithyon. kanys hynaf
oed a doethaf a phrudaf. ac yn|y
wed honn y dechreuis y yma+
draỽd. O dydi vonhedickaf o|r bren+
222
hined. Yg|gwlat saxonia y|n ga+
net ni ac y|n magỽyt. vn yỽ
honno o wladoed germania.
Achaỽs yn dyuodedigaeth nin+
neu yỽ. Rodi yn gỽassanaeth
ytti neu y dywyssaỽc araỻ a
wnel da ynn. ac nyt oes achaỽs
y|n gỽrthlad o|n gỽlat namyn
a dywedỽn ytti. Sef yỽ hynny
gwlat vechan gyvig yỽ yn
gỽlat ni. a phan amylhaont
y bobyl mal na anhỽynt yn+
di. Sef yỽ eu kynnefaỽt kyn+
nuỻaỽ hoỻ wyr Jeueingk y
wlat rac bronn eu tywysso+
gyon a bỽrỽ prenneu y·ryg+
thunt. Ac megys y del y coel+
brenn udunt y deholir. ac y
goỻygir y wladoed y byt y
myỽn ỻogeu megys y gỽely
di y geissyaỽ gossymdeith. ac
ueỻy rydhau yn gỽlat o dra+
amylder pobyl. Ac yr aỽr honn
arglỽyd heb ef yd amylhaaỽd
kiỽdaỽt yndi yny vu reit eth+
ol y veint wyr Jeueingk a
wely di yma rac dy vron. ac
erchi udunt uvudhau ỽrth
y gynefaỽt a|r|gyfreith oed
ossodedic yr y|dechreu yndi. a
ninneu y deu vroder a|wely di
yn dywyssogyon arnadunt
kanys o|lin brenhined yd he+
nym. Sef yỽ vy enỽ i hengyst
a hors yỽ enỽ vy|mraỽt. a|hynny
| « p 53v | p 54v » |