Breudwd Welsh Prose 1300-1425
Cymraeg

NLW MS. Peniarth 19 – page 69r

Brut y Brenhinoedd

69r

281

yno bop peth o|r a|vei reit y wne+
uthur. o dysc ac annoc eidal es+
gob kaer loeỽ. ef a aeth hyt ym
manachlaỽc yssyd ger llaỽ kaer
garadaỽc yr honn a|elwir yn
aỽr salsbri. kanys yno yd oedynt
yn|gorwed y tywyssogyon a|r ba+
rỽneit a|baryssei hengyst eu
ỻad drỽy vrat. Yno yd oed ma+
nachlaỽc a thrychant mynach
ym mynyd ambyr. Y gỽr me+
gys y dywedir. a vuassei fỽn+
dỽr ar y vanachlaỽc honno
gyntaf. A phan weles emrys
ual yd oedynt y meirỽ hynny
yn gorwed. kyffroi ar warder
hyt ar dagreu a|oruc. a medy+
lyaỽ yndaỽ e|hun pa wed y
geỻit gỽneuthur y ỻe hỽnnỽ.
yn enrydedus o enryded·weith
a barhaei yn dragywyd. kanys
teilỽg y barnei ef y ỻe hỽnnỽ
o dragywydaỽl enryded. ỽrth
verthyru yno y saỽl dylyedo+
gyon hynny yn wirion dros
A |Gỽedy galỽ [ eu gỽlat.
attaỽ o bop ỻe seiri prenn
a rei mein. gorchymun a|oruc
y brenhin udunt arueru oc
eu hoỻ ethrylithyr. a cheissy+
aỽ dychymyc newyd ar weith
a gattwei gof y saỽl vonhedi+
gyon hynny yn enrydedus.
drỽy yr oessoed. A gỽedy diffy+
gyaỽ y ethrylith·yr y baỽp o+

282

nadunt. ac nat oed vn a aỻei
eilenỽi damunet y brenhin.
Tramor archescob kaer ỻion
ar|wysc a|dywaỽt yn|y wed
honn ỽrth y brenhin. Arglỽyd
heb ef ny thebygaf|i y|th deyrn+
as di yr eil gỽr a aỻo kaffel o|e
thrylithyr* e|hun dychymy+
gu gỽeith megys y mynnut
ti yn|dragywydaỽl. onyt myr+
din vard gỽrtheyrn. kanys
hyspys yỽ gennyf|i nat oes
y|th deyrnas di yr eil a vo kyn
egluret y|ethrylithyr ac efo yn
dywedut petheu a|del rac ỻaỽ.
ac ỽrth hynny. par di dyuot
hỽnnỽ attat ti. hyt pan ber+
ffeither drỽy y ethrylithyr ef
y gỽeith a vynnut ti y wneuthur.
A gỽedy govyn o emrys ỻaw+
er y ỽrth vyrdin. ef a oỻygaỽd
amryuael genadeu drỽy am+
ryuaelon wladoed o|e geissyaỽ
ac o|e dỽyn attaỽ. A gỽedy
crỽydraỽ o·honunt ỻawer o
wladoed. ỽynt a|e kaỽssant ef
yn ergig ar ffynnaỽn galaes
kanys mynych y gnottaei ef
pressỽylaỽ yno. A gỽedy mene+
gi idaỽ beth a vynnynt. ỽynt
a|dugassant vyrdin gyt ac ỽynt
att y brenhin. A|r|brenhin a|e
herbynnaỽd yn ỻawen. ac a er+
chis idaỽ dywedut petheu o|r
a vei rac ỻaỽ. Kanys chwannaỽc