NLW MS. Peniarth 21 – page 18r
Brut y Brenhinoedd
18r
1
a|r llall a|welit y|mynet ewerdn
ac yn ymrannv yn seith bal ̷+
adyr bychein pan weles vch y|seren
Ac yna pan ymdangosses
y|sseren honno ovyn mawr a
a|delus pawb o|r a|y gweles. Ac
vthyr benndragon a|ovvnhaaw ̷+
d am hynny ac a|duc attaw y|doe ̷+
yon a|merdin heuyt y|ovyn
vdvnt. pa beth a|arwydocaaei y
sseren. Ac yna wylaw a|oruc mer ̷+
din a|dywedut val hynn. O|gol ̷+
let heb allv y hynnill o|genedyl
y brytanyet nevt ywch wedw o e ̷+
mreis wledic. Ac nyt ywch wedw
o|vrenhin arall. kanys tydy arder ̷+
chawc vthyr benndragon yssyd
vrenhin. A|bryssya y|ymlad a|th ely ̷+
nyon ac ytyy y|may y|gorvot
a|thi a|vydy vedyannvs ar ynys
brydein. oll. A|thydi a|arwydockaa y|s ̷+
eren a|r dreic davawl adanei.
A|r palady a|ymystyn ffreinc
a|arwydockaa mab a|vyd yti ar+
glwyd a|chyvoethawc vyd hwnnw
a|medyannus ar lawer o|r byt. A|r
paladyr arall a|arwydocaa me ̷+
rch a|vyd yty a|meibion honno
a|y hwyryon a|vyd eidvnt ynys
brydein. ol yn ol hir o amseroed
Ac yna kyt bei pedrvs gan vthr
pa beth a|dyweti verdin ay
gwir ay gev kyrchu y|elynyon a
oruc. Ac wedy ev dyvot ygyt ym ̷+
lad a|orugant yny gollet llawer
o|bob tv Ac yn diwed y|dyd y|gorvv
vthyr benn dragon ar bassgen
a|gillamwri ac ev grrv ar ffo
tv ac ev llonghev ac ev llad ar
ev ffo
2
Ac|wedy y vvdygolyeth honno
yd aeth vthyr benndrgon gyntaf
ac y|gallawd parth a|chaer wynt
wrth varwoleth emreis y vrawt
A|chaer llaw manachloc ambri
o|vewn kor y|kevri y kladassei
essgyb ac archesgyb emreis
wledic yn|y lle a|wnadoed e|hvn
Ac wrth y|gladv ef yno yd ym ̷+
dyrawd a|oed o|archesgob ac
esgob ac abat yn ynys. brydein. wrth
y|gladv ef yno yn anrydedus
Ac yna galw a|oruc vthyr ataw
y|n·iver hwnnw oll Ac yna o
gytsynnedigaeth y|gynnvlletva
honno y|kyssegrwyt vthyr yn vrenhin
a|rodi coron am y benn Ac yna
koffaev a|oruc vthyr a|dwot
merdin am y|seren. Ac yna y|peres
vthyr gwneithur delw dwv dreic
o|evr ar y|llvn y|gwelysit ar benn
y|paladyr o|aniffic kywreinrwyd
Ac o|vn o|r delwev a|beris vthyr y
dodi yng|kaer wynt yn yr eglws
bennaf yno a|r|llall a|beris y bot
o|y vlaen e|hvn pan elei y|vrwydyr.
Ac o|hynny allan y|gelwit yntev
vthyr benn dragon a|hynny vv deon+
Ac yna ssef a c [ gl y|seren
ocva ac ossa y|gevynderw
pan vv varw emreis gwahawd
ssaeson attvnt am ev bot vn
ryd o|r arvoll a|rodaseint y emr+
eis ac anvon kenadev germania
a|orvgant y|dwyn atadvnt hynn
a|oed o|saesson gyt a|phasgen
Ac wedy ev dyuot ygyt anvat
gynnvlleitva onadvnt gors yn
y|wlat a|orvgant yny dyvvant
| « p 17v | p 18v » |