Breudwd Welsh Prose 1300-1425
Cymraeg

NLW MS. Peniarth 19 – page 109r

Brut y Tywysogion

109r

481

a mỽyaf y aỻu. Ac erchi kyg+
reir a|oruc ual y gaỻei y neiỻ
ae hedychu a|r brenhin ae adaỽ
y deyrnas o gỽbyl. Yg|kyfrỽg
y petheu hynny yd athoed er+
nỽlf a|e wyr yn erbyn y wreic
a|r ỻyghes aruaỽc a|oed yn dy+
uot yn borth idaỽ. Ac yn hynny
y doeth magnus brenhin ger+
mania eilweith y von. A|gỽe+
dy torri ỻawer o wyd defnyd
ymchoelut y vanaỽ drachefyn.
Ac yna herwyd y dywedir gỽn+
euthur a|oruc tri chasteỻ. a|e ỻen+
wi eilweith o|e wyr e|hun y rei
a|diffeithassei kynno hynny.
ac erchi merch mỽrchath o|e
uab. kanys pennaf oed hỽnnỽ
o|r gỽydyl. a hynny a gafas
yn ỻawen. a gossot a|oruc ef
y mab hỽnnỽ yn vrenhin ym
manaỽ. ac yno y trigyaỽd y
gaeaf hỽnnỽ. A|gỽedy clybot
o robert Jarỻ hynny. anuon
kenadeu a|oruc att vagnus. ac
ny chafas dim o|e negesseu. A
gỽedy gỽelet o|r Jarỻ y vot yn
warchaedic o bop parth idaỽ.
keissyaỽ kennat a ford y gan
y brenhin y adaỽ y deyrnas a|oruc.
a|r brenhin a|e kanhadaỽd. ac
ynteu gan adaỽ pop peth a vor+

482

dỽyaỽd hyt yn normandi. Ac
yna yd anuos* y brenhin att
ernỽlf y erchi idaỽ vn o r|deu+
peth ae adaỽ y deyrnas a my+
net yn|ol y vraỽt. ae ynteu
a delei yn|y ewyỻys ef. a phan
gigleu ernỽlf hynny dewis+
sach vu ganthaỽ vynet yn ol
y vraỽt. A rodi y gasteỻ a|oruc
y|r brenhin. a|r brenhin a|dodes
gỽercheitweit yndaỽ. Gỽedy
hynny hedychu a|oruc Jorw+
erth a|e vrodyr a rannu y
kyuoeth y·rygthunt. A gỽe+
dy ychydic o amser y delis
Jorwerth varedud y vraỽt.
ac y carcharaỽd yg|karchar
y brenhin. a hedychu a|wna+
eth a chadỽgaỽn y vraỽt. a ro+
di idaỽ keredigyaỽn a rann
o bowys. Ac odyna mynet a
oruc Jorwerth att y brenhin.
a thebygu y|r brenhin cadỽ
y edewit ỽrthaỽ. a r brenhin
heb gadỽ amot ac ef. a duc y
ganthaỽ dyuet. ac a|e rodes
y nebun uarchaỽc a|elwit
saer. ac ystrat tywi a chedw+
eli. a gỽhyr a rodes y howel
a|gronỽy. ac yg|kyfrỽg hynny
y delit gronỽy uab rys. ac y
bu varỽ yn|y garchar. Yn|y