Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 137r

Breuddwyd Rhonabwy

137r

564

y|arthur ac owein. Gỽerin eur. a
claỽr aryant. a|dechreu gỽare a|w+
naethant. A|phan|yttoedynt ueỻy
yn|digrifaf gantunt eu|gỽare uch
yr wydbỽyỻ. nachaf y gỽelynt o
pebyỻ gỽynn penngech* a|delỽ sarf
purdu ar|penn y|pebyỻ. a ỻygeit
rudgoch gỽenwynic ym|penn y
sarf. a|e dauaỽt yn|fflam·goch yny
vyd mackỽy ieuanc pengrych me+
lyn ỻygatlas yn|glassu baryf yn
dyuot. a|pheis a sỽrcot o pali me+
lyn ymdanaỽ. a|dỽy hossan o vreth+
yn gỽyrdvelyn teneu am y traet.
ac uchaf yr hossaneu dỽy wintas
o gordwal brith. a|chaeadeu o eur o
eur am vynynygleu y draet yn eu
kaeu. a chledyf eurdỽrn trỽm tri+
chanaỽl. a|gỽein o gordwal du idaỽ
a|sỽch o rudeur coeth ar|penn y wein
yn|dyuot tu a|r|ỻe yd|oed yr amheraỽdyr
ac owein yn|gỽare gỽydbỽyl. a chy+
uarch gỽeỻ a|oruc y mackỽy y owein.
a ryuedu o owein y|r mackỽy gyua+
rch gỽeỻ idaỽ ef ac na|s|kyfarchei y|r
amheraỽdyr arthur. a gỽybot a|ỽnaeth
arthur panyỽ hynny a|uedylyei o+
wein. a dywedut ỽrth owein. Na|vit
ryued gennyt y|r mackỽy gyfarch
gỽeỻ ytt yr aỽr·honn. ef a|e kyfarch+
ỽys y minheu gynneu. ac attat ti+
theu y|mae y neges ef. Ac yna y|dy+
waỽt y mackỽy ỽrth owein. Arglỽ+
yd ae o|th gennyat ti y mae gỽeisson
bychein yr amheraỽdyr a|e uackỽye+
it yn kipris ac yn kathefrach yn
blinaỽ dy vrein. Ac onyt o|th gen+
nyat. par y|r amheraỽdyr eu gỽahard.
Arglỽyd heb·yr owein. ti a|glywy
a|dyweit y mackỽy os da genhyt
gỽahard ỽynt y ỽrth vy|mranos.
Gỽare dy chware heb ef. Ac yna
yd ymchoeles y mackỽy tu a|e be+
byỻ. Teruynu y gỽare hỽnnỽ a|ỽ+
naethant. a|dechreu araỻ. A|phan
yttoedynt am|hanner y gỽare ỻyma

565

was Jeuanc coch gobengrych gỽineu
ỻygadaỽc hydỽf gỽedy eiỻaỽ y varyf
yn dyuot o pebyỻ puruelyn. a delỽ ỻeỽ
purgoch ar|penn y pebyỻ. a pheis o
pali melyn ymdanaỽ yn gyfuch a me+
in y esceir. gỽedy y|gỽniaỽ ac adaned o
sidan coch. a|dỽy hossan am y draet o
vỽckran gỽyn teneu. Ac ar uchaf yr
hossaneu dỽy wintas o gordwal du
am y draet. a gwaegeu eureit arnad+
unt. a|chledyf maỽr trỽm tri·chanaỽl
yn|y laỽ. a|gỽein o hydgen coch idaỽ. a
sỽch eureit ar|y wein yn|dyuot tu a|r ỻe
yd oed arthur ac owein yn|gỽare gỽyd+
bỽyỻ. a chyuarch gỽeỻ idaỽ. a|drỽc yd
aeth ar owein gyuarch gỽeỻ idaỽ. ac
ny|bu waeth gan arthur no|chynt. Y
mackỽy a|dywaỽt ỽrth owein ae o|th
anuod di y mae mackỽyeit yr amhera+
ỽdyr. yn brathu dy vrein. ac yn|ỻad e+
reiỻ. ac yn|blinaỽ ereiỻ. ac os anuod
gennyt. adolỽc idaỽ y gỽahard.
Arglỽyd heb owein. gỽahard dy|wyr
os da gennyt. Gware dy whare heb
yr amheraỽdyr. Ac yna yd ymchoeles y
mackỽ·y tu a|e pebyỻ. Y gỽare hỽnnỽ
a teruynỽyt a|dechreu araỻ. ac ual yd
oedynt yn|dechreu y symut kyntaf
ar y|gỽare. Sef y|gỽelynt ruthur y
ỽrthunt pebyỻ brychuelyn mỽyhaf
o|r a|welas neb. a|delỽ eryr o|eur arnaỽ.
a|maen gỽerthuaỽr ym|penn yr|eryr.
Yn|dyuot o|r pebyỻ y gỽelynt vackỽy
a|gỽaỻt pyb·yruelyn ar y benn yn|tec
gosgeidic. a|ỻenn o pali|glas ymdanaỽ.
a|gỽaeỻ eur yn|y ỻenn ar yr ysgỽyd de+
heu idaỽ. kyn vrasset a garanvys mi+
lỽr. a dỽy hossan am y traet o twtne+
is teneu. a|dỽy esgit o gordwal brith
am y|traet. a|gỽaegeu eur arnadunt.
Y gỽas yn vonhedigeid y bryt wyneb
gỽyn grudgoch idaỽ. a|ỻygeit maỽr he+
bogeid. Ẏn|ỻaỽ y mackỽy yd|oed pala+
dyr bras vrith uelyn. a phenn neỽydlif
arnaỽ. ac ar y paladyr ystondard amlỽc.
Dyuot a|oruc y mackỽy yn|ỻidyaỽc