Breudwd Welsh Prose 1300-1425
Cymraeg

NLW MS. Peniarth 19 – page 129v

Brut y Tywysogion

129v

563

lladuaeu a ỻoscuaeu ar y flem+
hyssyeit. a dỽyn mynych an+
reitheu y ganthunt. A gỽedy
hynny yd ymaruoỻes yr hoỻ
gymry ar ym·wrthlad a che+
itweit y ffreingk a hynny
yn|gyfun. Y vlỽydyn racwy+
neb y diffeithaỽd dauyd uab
owein gỽyned degigyl. ac y
mudaỽd y dynyon a|e hani+
ueilyeit hyt yn|dyffryn clỽ+
yt. A gỽedy tebygu o|r brenhin
y bydei ymlad ar y casteỻ a
oed y|n·hegigyl. kyffroi ỻu a
oruc drỽy diruaỽr vrys. a|dy+
uot hyt yn rudlan. a phe+
byỻyaỽ yno deir·nos. A gỽe+
dy hynny ymchoelut y loe+
gyr. a chynuỻaỽ diruaỽr lu
gyt ac ef. ac etholedigyon
ymladwyr. a ỻogwyr. o nor+
mandi a flandrys ac angiỽ
a gỽasgỽin a hoỻ brydein. a
dyuot hyt yg|croes osswaỻt
gan darparu aỻtudaỽ a
diffeithaỽ yr hoỻ vrytanyeit.
ac yn|y erbyn ynteu y doeth
owein gỽyned. a chadwalaỽ+
dyr veibyon gruffud uab
kynan. a hoỻ lu gỽyned gyt
ac ỽynt. a|r arglỽyd rys uab
gruffud a hoỻ deheubarth
gyt ac ynteu. owein keueila+
ỽc a Jorwerth goch uab ma+
redud. a meibyon madaỽc uab

564

maredud. A hoỻ bowys ygyt ac
ỽynt. a deu uab Madaỽc uab
Jtnerth. a|e hoỻ gyuoeth. ac y+
gyt yn gyfun diergrynedic y
doethant hyt yn edeirnaỽn.
a phebyỻyaỽ a|wnaethant y|g+
horuaen. a gỽedy trigyaỽ yn
hir yno yn eu pebyỻeu heb vei+
daỽ o vn gyrchu ar y gilyd y
ymlad. ỻidyaỽ a|oruc y brenhin
yn diruaỽr. a chyffroi y lu hyt
yg|koet dyffryn keiryaỽc. a phe+
ri torri y coet a|e vỽrỽ y|r ỻaỽr.
ac yno yd ymerbynyaỽd ac ef
yn wraỽl ychydic o gymry e+
tholedigyon y rei ny wydynt
odef eu|goruot yn apsen eu
tywyssaỽc. A ỻawer o|r rei ka+
darnaf a dygỽydaỽd o bop tu.
ac yno y pebyỻyaỽd y brenhin
a|r bydinoed gyt ac ef. a|gỽedy
trigyaỽ yno ychydic o dydyeu.
y kyfarsagỽyt ef o diruaỽr
dymhestyl awyr. a thra·ỻifeir+
eint glaỽogyd. A gỽedy paỻu
ymborth idaỽ yd ymchoelaỽd y
bebyỻeu a|e lu y vaestir ỻoegyr
ac yn gyflaỽn o diruaỽr lit y
peris daỻu y gỽystlon a vuas+
sei yg|karchar yr ys|talym kynn+
no hynny ganthaỽ. Nyt am+
gen deu vab owein gỽyned.
katwaỻaỽn a chynwric. a ma+
redud uab yr arglỽyd rys. a
rei ereiỻ. A gỽedy hynny y sym+