NLW MS. 24029 (Boston 5) – page 137
Llyfr Blegywryd
137
kẏureithaỽl ẏssẏd. ac a|trigẏant yn
dilis ẏ|r etiuedẏon. vn ẏỽ; etiuedyaeth
trỽẏ dẏlẏet o|bleit rẏeeni. Eil ẏw etiu+
edẏaeth a|gaffer o amot kẏurreithawl
ẏ|gan ẏ perchen ẏr gwerth. Tryded yw
etiuedẏaeth a gaffer trỽy amot kyfr+
eithaỽl o vod ẏ perchen heb werth O|r
gwneir eglỽẏs o gannat ẏ brenhin y
mẏỽn taẏaỽctref. Ac offeirat yn offe+
renu ẏndi. A|e bot ẏn gorfflan hi ryd
vẏd ẏ tref honno o|hẏnnẏ allan Pw+
ẏ|bẏnnac a|holo tir eglỽẏssic nyt re+
it arhos naỽuettẏdẏeu ẏmdanaw na+
mẏn agoret vẏd gỽir idaỽ pan y gofy+
nho. O|R kẏmer taẏaỽc brenhin mab
breẏr ar vaeth gan gannat y brenhin
kẏuranaỽc vẏd ẏ mab maeth ar tref
tat ẏ taẏaỽc mal vn o|e veibon e|hun
P An ranho brodẏr tref eu tat
ẏ·rẏdunt. ẏ ieuhaf a geiff
tẏdẏn a holl adeil ẏ tat ac
ỽẏth erỽ o tir. A|e gallawr
A|e uuyell gẏnnut. a e gwllt+
ỽr. kannẏ eill tat rodi ẏ neb y tri
hẏnnẏ namẏn ẏ|r mab ieuhaf. a chyn
| « p 136 | p 138 » |