BL Harley MS. 958 – page 10r
Llyfr Blegywryd
10r
gorwlat. petheỽnos. Oet tẏston neu wa+
rant tramor. vn dẏd a|blỽẏdẏn. Pỽẏ
bẏnnac a|dechreuho dadẏl ar gẏlus kẏd+
ẏchaỽl paraỽt ẏ ỽrtheb. a gwedẏ hẏn+
nẏ tewẏ ỽrthaỽ vn dẏd a blỽẏdẏn
am ẏr ỽn dadẏl honno. nẏ dẏlẏir ẏ
warandaỽ rac llaỽ. onẏ phaỻỽẏs kẏf+
reith idaỽ o uẏỽn ẏ ulỽẏdẏn.
T Alaỽdẏr ar nẏ|thalho cỽbẏl o|e dẏ+
lẏet. ef a dẏlẏ ẏ talu. O|r bẏd rỽng
ẏ|talaỽdẏr a|r dẏlẏaỽdẏr dẏd gossode+
dic ẏ|talu ẏ dẏlẏet. ef a dẏlẏir arhos ẏ
dẏd. Pỽẏ|bẏnhac a ouẏnho dẏlẏet trỽẏ
gỽẏn. kẏn ẏ oet. kẏhẏt a hynnẏ ẏ|dẏlẏ
bot heb·daỽ gỽedẏ ẏr oet. Pỽẏ|bẏnnac
a gẏmerho gauael dros dẏlẏet heb gan+
hat arglỽẏdiaeth. kamlẏrẏus uẏd.
Teir ford ẏ bẏd rẏd mach am dẏlẏet
kẏffadef. vn ẏỽ o rodi oet heb ẏ ganhat
dros ẏr oet kẏntaf. Eil ẏỽ talu ẏ dẏlẏ+
et. Trẏdẏd yỽ dỽẏn gauael am ẏ dy+
lẏet. Oet mach y ỽẏbot ae mach ae
nẏt mach. tri dieu. Reit ẏỽ dẏuot te+
ir ỻaỽ ẏ·gẏt ỽrth rodi dẏn ẏn vach. ỻaỽ
ẏ mach. A ỻaỽ ẏ neb a|e rotho ẏn vach.
A ỻaỽ ẏ neb a|e kẏmerho. ac ẏmffẏdyaỽ
| « p 9v | p 10v » |