BL Harley MS. 958 – page 6r
Llyfr Blegywryd
6r
perued o|r cỽrỽf ẏ ar ẏ gwadaỽt. Ac o|r bra+
gaỽt hẏt ẏ kẏgỽg perued ẏr vn bẏs. Ac o|r
med hẏd ẏ kẏgỽg eithaf. Y neb a wnel kam
ẏ|ghẏnted ẏ neuad. os ẏ distein a|e deilẏ tra+
ẏan ẏ dirỽẏ neu ẏ kamlỽrỽ a geif. Ac ueỻẏ
heuẏd os|is kẏnted ẏ deilẏ. O|r ẏmlad deuwr
o|r sỽẏdogẏon ẏn|ẏ llẏs. ẏ distein a geif tra+
ẏan eu dirỽy. Distein bieu cadỽ traẏan
brenhin o anreith. a phan ẏ defnẏdẏaỽ ef
a geif buch neu ẏch. Distein bieu tẏghu
dros ẏ brenhin pan uo reit. Ran deu ỽr
a geif o grỽẏn ẏ gwarthec a|r ẏchen a
lather ẏn|ẏ gegin. Ran gỽr med ereiỻ.
Ef bieu dangos ẏ paỽb y eistedua pria+
od ẏn|ẏ neuad. Ef a ran ẏ lletẏeu. March
ẏn wosseb a geif ẏ gan ẏ brenhin. A|dỽẏ
ran idaỽ o|r ebran. Y dir a geif ẏn rẏd. Buch
neu ẏch a geif ẏ gan ẏ teulu o pob anreith
Ef a geif traẏan camlẏrẏeu sỽẏdogẏon ẏ
bỽẏt a|r ỻẏn. nẏt amgen. Coc. trỽỻẏat.
Sỽẏdỽr ỻẏs. Ef a geif gobreu merchet ẏ
maer bisweil. Ef a geif pedeir ar|hugeint
ẏ gan pob swẏdaỽc bỽẏt a ỻẏn pan el ẏ+
n|ẏ sỽẏd. Ef a ran arẏant ẏ gwestuaeu.
Ef bieu ar·tẏstu guirodeu ẏ ỻẏs. Ef a ge+
if ran deu ỽr o aryant. ẏ gwestuaeu. Ef a
| « p 5v | p 6v » |