Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 270v

Diarhebion

270v

1083

Tỽyỻit ry uegit ry vygeit. 
Trickyt kynny wahoder. 
Trydyd troet y hen y ffonn. 
Teruyn kywira kyghỽystyl. 
Talỽys ry ueichỽys. 
Telittor gỽedy halaỽclỽ. 
Trech anyan noc adysc. 
Trech amot no gỽir. 
Tra retto yr oc redet y vreuan. 
Tỽyỻ drỽy ymdiret. 
Tynnv bach trỽy goet. 
V al yr hỽch am y ffaỽyd. 
al* tynnu bach trỽy goet. 
Val y kỽn am y moch. 
Val kỽn gan gyfreion. 
Val y ỻin ar y|maen. 
Val y|gath am y|pysgaỽt. 
Val y|gỽydel am y ffalling. 
Val y|ỻygoden dan balyf y gath. 
Val eiry maỽrth ar benn maen. 
Val ỻygat ym|penn. 
Val y kant y gỽr. 
Val y ki pan lysc y droet. 
Val|ỻỽyth maen ketti. 
M atweith hen|gyrys o ial yr hỽnn a|el+
wit balch budugre. a cato gyfarỽyd.
a|gỽydu archgyfuarwyd. A|r hen wyrda a|dyỽ+
awt y|diaerhebyon hynn o|doethineb. hyt
pan vydynt gatwedic gỽedy ỽynt y rodi
dysc y|r neb a|synnyei arnunt. 

1084