Oxford Jesus College MS. 119 (The Book of the Anchorite of Llanddewi Brefi) – page 119v
Credo Athanasius
119v
1
Ac vrth hynny amgen yỽ personn y|tat. A|pherson
2
y|mab. Ac amgen yỽ person pob vn ohonunt. A|ph+
3
erson yr yspryt glan. Ac eissoes vn yỽ dỽyỽoly+
4
aeth y|tat ar mab ar|yspryt glan. a gogymeint
5
eu gogonnyant a gogyfuoet yỽ. kannys vn yỽ
6
gogonnyant tragyỽydolyaeth y|teir person. Ac
7
vrth hynny vn yỽ y|tat ar mab ar yspryt glan.
8
kannys digreedic yỽ y|tat. a|digredic yỽ y|mab.
9
a|digreedic yỽ yr yspryt glan. Sef yỽ hynny ny
10
creỽyt yr vn ohonunt. A|diuessur yỽ y|tat. a|di+
11
vessur yỽ y|mab. a|diuessur yỽ yr yspryt glan.
12
A|thragyỽyd yỽ y|tat. a|thragyỽydaỽl yỽ y|mab.
13
a|thragyỽydaỽl yỽ yr yspryt glan. Ac eissoes nyt
14
ynt tri tragyỽydaỽl. namyn vn tragyỽydaỽl.
15
Sef yỽ y|hynny vn diỽahan yỽ tragyỽydolyaeth
16
y|tri. kynny bont vn berson. Ac velle nyt ynt tri
17
digreedic. na|thri diuessur. y|tat ar|mab. ar yspryt
18
glan. namyn vn digreedic. Ac vn diuessur. A|holl
19
gyfuoethaỽc yỽr tat. a|hollgyfuoethaỽc yỽr mab
20
a|holl gyfuoethaỽc yỽr yspryt glan. Ac nyt ynt
21
tri hollgyfuoethaỽc. namyn vn hollgyfuoethaỽc.
22
Sef yỽ hynny vn yỽ holl allu y|tri. Ac velle duỽ yỽr
23
tat. a|duỽ yỽr mab. a|duỽ yỽr yspryt glan. Ac eisso+
24
es nyt ynt tri duỽ. namyn vn duỽ. Ac arglỽyd yỽr
25
tat. Ac arglỽyd yỽr mab. Ac arglỽyd yỽr yspryt
| « p 119r | p 120r » |