Oxford Jesus College MS. 119 (The Book of the Anchorite of Llanddewi Brefi) – page 125v
Pwyll y Pader, Hu
125v
1
seith nerthoed yr eneit val y|gallom nynhev trỽy y
2
seith nerthoed hynny. yn|ryd mynet y|ỽrth y|seith pe+
3
chaỽt marỽaỽl. a|dyuot ar|y|seith gỽynryuedigrỽyd.
4
Seith ryỽ pechaỽt marỽaỽl ysyd. y|rei y|maent achos
5
a|defnyd yr holl pechodeu ereill oll. Sef ynt y seith
6
hynny. gogelent baỽp racdunt. nyt amgen. Sybe+
7
rỽyt. kyghorueint. Jrlloned. Tristit bydaỽl. nev
8
lesged gỽnneuthur da. nev waranda da. nev dyscu
9
da. Pymhet pechaỽt marỽaỽl yỽ. chỽant. a|cheby+
10
dyaeth. Whỽechet* yỽ. glythineb a|meddaỽt. Seith+
11
uet yỽ. godineb. Y|rei a|yspeilant dyn o garyat duỽ
12
a|holl nerthoed duỽ. Ac o|donnyev yr|yspryt glan.
13
Y|pedỽared ohonunt a|boena yr yspeiledic. Y|pym+
14
het. a|vỽrỽ yr yspeiledic yn grỽydrat. Y|hỽechet*
15
a|dỽyll y crỽyddrat gỽrtholedic. Seithuet a sathra
16
ac a|dielỽha y|tỽylledic. Syberỽyt a|dỽc duỽ y|gann
17
dyn. kyghorueint a|dỽc y|gyfnessaf y|gantaỽ. Jrllo+
18
ned a|dỽc dyn racdaỽ e|hun. kanys amlỽc yỽ na|med
19
irllaỽnn arnaỽ e|hun. Yr yspeiledic o|bop da a|yspei+
20
lir val y|dyỽetpỽyt vchot. kanny cheiff ef leỽenyd
21
yndaỽ e|hun. nac yn duỽ nac yn|y gyfnessaf. Trỽy
22
dristit y|poenir ef heb dim llyỽenyd. Yn nessaf y|hỽn+
23
nỽ y|daỽ chỽant yr|hỽnn a|vỽrỽ y|poenedic y|geissaỽ
24
lleỽenyd yn|y petheu bydaỽl. kann colles ysprydaỽl
25
leỽenyd a|oed yn|y gallonn. kanys annyanaỽl yỽ y
| « p 125r | p 126r » |