Oxford Jesus College MS. 119 (The Book of the Anchorite of Llanddewi Brefi) – page 129r
Rhinweddau Gwrando Offeren, Breuddwyd Pawl
129r
1
thi. py|wnnaf o|bydaf hebdi.
2
O bydy hebdi heb lauur arnnat heb anghen. hyt
3
yr wythnos na chỽard wen.*Brewdỽyt paỽl.
4
Dyỽ sul dyd detholedic yỽ. yn|yr hỽnn y caffant
5
yn|y dyd hỽnnỽ yr eneideu a uont yn|y poenev.
6
orffỽys yn diboen trỽy leỽenyd. A gỽybydet ba+
7
ỽp pann yỽ y baỽl ebostol. Ac y vihagel archagel
8
y|dangosses duỽ vdunt vffernn. Ac yna paỽl a
9
ỽelas gyr bronn pyrth vffernn deri tanllyt. Ac
10
vrth y keinghev pechaduryeit yg|kroc. Rei ona+
11
dunt gyr bleỽ y|pennev. Ereill gyr eu|dỽylaỽ.
12
Ereill gyr eu bruantev. Ereill gyr y|tauodeu.
13
Ac ereill gyr y breicheu. Ac yna y|gỽelas paỽl yn
14
lle arall ffỽrnn yn lloski. A seith fflam amliỽ yn
15
kyuodi ohonei. A llaỽer yn|y poeni yndi. Ac yng
16
kylch y ffỽrnn yd oedynt seith pla. kynntaf oed eiry.
17
Ar eil oed tan. Ar tryded oed ia. Pedỽared oed ỽa+
18
et. Pymhet oed seirff. Chỽechet oed mellt.
19
Seithuet oed dereỽant. Ac yr ffỽrnn honno yd
20
annvonir eneidev pechaduryeit ny wnelont eu
21
penyt yn|y byt hỽnn. Rei ohonunt yn ỽylaỽ. e+
22
reill yn vdaỽ. Ereill yn cỽynaỽ. Ereill yn keissaỽ
23
y hagev ac ny|s keffynt. kany byd marỽ eneit
24
yn tragyỽydaỽl. Vrth hynny lle ofuynaỽc yỽ vffern.
25
yn|y lle y|mae tristỽch heb leỽenyd. A|dolur tragyỽ+
The text Breuddwyd Pawl starts on line 3.
| « p 128v | p 129v » |