Oxford Jesus College MS. 119 (The Book of the Anchorite of Llanddewi Brefi) – page 133r
Epistol y Sul
133r
1
namyn yr emelldith a|haydassant ysyỽaeth. A|mi a
2
annvonaf yn|y tei glefydyev annorffenedic arnunt
3
ac ar y|plant. A mall ar|y hannyueileit. A|phỽy|byn+
4
nac a|dadleuho yn dyd sul. nac a|vrattao. nac a|ỽnel
5
amryssonev nev pynckev agkyfuleus*. namyn gỽe+
6
diaỽ o eỽyllus buchedaỽl ym henỽ. i. Ac ym heglỽ+
7
ys. Mi a|annvonaf yn|y plith amryuaelon colledev
8
yn amlỽc hyt pann|vethont. Gỽarandaỽet yr|holl
9
pobloed angkrededun. A gỽarandaỽ ti o genedyly+
10
aeth drỽc agkyfyaỽnn. Ar yr hỽnn ny mynhy gre+
11
du idaỽ. Bychan yỽ dy dydyeu. A|pheunyd y|mae
12
dy dydyev athiỽed yn nessav. A|mynhev ỽyf pỽyllic
13
vrth pechaduryeit dayaraỽl y|edrych a|ymhoelont
14
y ỽir penyt. Ac ediuarỽch. A chyffes lan. Gỽarann+
15
daỽet holl pobloed y|pressent na rodont ehofyndra
16
y|tyghu cam lyein yr vyg|karyat. i. Nac y amher+
17
chi eglỽyssev. Na gỽnneuthur lledradev yn dyd san+
18
teid sul. Achaỽs y|dyd hỽnnỽ y kyuodes yr arglỽyd
19
iessu o veirỽ yn|vyỽ. Ac yd ysgynnaỽd ar nefoed.
20
Ac y mae yn eisted ar deheu duỽ dat hollgyfuoeth+
21
aỽc. Ac odyno y|daỽ y varnnv ar|vyỽ ac ar veirỽ.
22
Ac yn chỽech nyhev y|gỽnnaeth duỽ. nef. a dayar.
23
Ac yssyd yndunt yn hollaỽl o|greaduryeit. y|rei a
24
ỽelir. A rei ny ỽelir. Ac yn|y seithuet dyd y|gorffyỽ+
25
yssaỽd o|e holl weithredoed. Ac velle y|mynhaf y
| « p 132v | p 133v » |