Oxford Jesus College MS. 119 (The Book of the Anchorite of Llanddewi Brefi) – page 134r
Epistol y Sul, Rhybudd Gabriel
134r
1
a|vydant laỽuaeth y|mynhev. A gỽybydỽch y|mae mi
2
ysyd yaỽn arglỽyd. Ac nat oes arglỽyd namyn Mi.
3
kanys mi a|dileaf pob drỽc a gofueileint y ỽrthyỽch.
4
Ony byd offeirat ny thraetho yr ebostol honn ym
5
pobyl i a|e myỽn tref a|e myỽn eglỽys a|e myỽn dinas
6
vy mar a|disgynn arnaỽ tragyỽydaỽl. Traethent yr
7
bopyl val y crettont yn dyỽ sul arbennic. Ac y gall+
8
ont haeddv trugared nefaỽl. kanys duỽ e|hun a|an+
9
vones yr yscriuennedic rybud hỽnnỽ yr pechadury+
10
eit hyt ar allaỽr eglỽys peder a|phaỽl yn rufein. o|e
11
rybudyaỽ am weith sulyen ac ỽyleu.
12
*Rybud gabriel angel at veir yỽ hỽnn pann disgynna+
13
ỽd iessu grist yn|y bru hi.
14
EF annvonet Gabriel angel y|gann duỽ y|dinas o
15
alilea yr hỽnn a|oes* y enỽ nazared at wyry. bria+
16
ỽt y ỽr yr hỽnn a|oed y enỽ Joseph o lỽyth dauid. Sef
17
yỽ hynny o|tylỽyth dauid. Ac enỽ y|vorỽyn oed veir.
18
A mynet y|myỽn a|oruc yr angel attei. A|dyỽedut.
19
henpych gỽell gyfulaỽnn o|rat y|mae yr arglỽyd y+
20
gyt a|thi. benndigedic ỽyt ti yn|y gỽraged. Mal y
21
kiglev hi. hitheu a gynnhyruaỽd yn|y ymadraỽd ef.
22
Ac a|vedylyaỽd py ryỽ annerch oed honno. Ar an+
23
gel a|dyỽat vrthi. nac ofuynnha di veir. ti a|ge+
24
ueist rat y|gann duỽ. A llyma yd aruolly ti y|th
25
vru vab. A|th aelỽy y enỽ iessu yr hỽnn a|uyd maỽr
The text Rhybudd Gabriel starts on line 12.
| « p 133v | p 134v » |