Breudwd Welsh Prose 1300-1425
Cymraeg

Oxford Jesus College MS. 119 (The Book of the Anchorite of Llanddewi Brefi) – page 135r

Efengyl Ieuan

135r

1
personn y|tat ar mab. A duỽ oed y geir. Cannys
2
y|geir ysyd vab. Ar mab ysyd duỽ. A hỽnnỽ oed yn|y
3
dechreu ygyt a|duỽ. Cannys gogyuoet yỽ y|mab
4
ar tat. A|thrỽy y geir hỽnnỽ y|gỽnnaethpỽyt pob
5
peth. A|hebdaỽ ef ny ỽnnaethpỽyt dim. Canny bu
6
ỽnneuthuryat amgen ar|y|byt eithyr dyỽedut o
7
duỽ pann dyỽat y eir. Ac yn|y eir. Sef yỽ hynny.
8
pann anet y|vab. Bit bop peth yn|yr amser hỽnn ar
9
amser. Ac val y dyỽat ac y|gorchymynnaỽd velle y
10
bu. Ac ny byd dim onnyt a|dyỽat ef ar|y eir y|bydei.
11
Ac eissoes ny dyỽat duỽ ac ny|s gorchymynnaỽd
12
vot pechaỽt. Ac achaỽs hynny arỽyd yỽ nat dim
13
pechaỽt. eithyr camỽed ac eisseu kyfuyaỽnnder.
14
Ar hynn a|ỽnaethpỽyt yndaỽ ef. byỽyt oed. Sef
15
yỽ hynny kyffelybrỽyd a dechreu pob peth megys
16
y|mae yn duỽ byỽyt yỽ. Cannys pob peth oc ysyd
17
yn duỽ byỽyt yỽ. A|duỽ yỽ. Ar byỽyt hỽnnỽ ysyd
18
leufer yr dynyon. Ac nyt lleuuer yr annyueileit
19
heb dyall heb synnhỽyrev gantunt. Namyn lleuuer
20
ysprydaỽl yỽ. a|a* oleuhaa eneideu dynyon. Ar lleu+
21
uer a leỽycha ym|plith y|pechaduryeit. Cannys
22
pechaỽt ysyd tyỽyllỽch. Ar pechaduryeit tyỽyll y
23
ynt a|hynny achos y pechaỽt. Ar tyỽyllỽch ny|s
24
amgyffredaỽd ef. Sef yỽ hynny. pechaduryeit ny|s