Oxford Jesus College MS. 119 (The Book of the Anchorite of Llanddewi Brefi) – page 138r
Gwlad Ieuan Fendigaid
138r
1
ni dy|vot ti yn|varỽaỽl. A darestỽng ohonat ti y
2
dynaỽl lygredigaeth. Osit arnnat ti eisseu dim
3
o|betheu a|berthynont ar lyỽenyd. hysbyssa di
4
drỽy dy negesỽas ti. Ac o gyuedic ry|bucheidrỽ+
5
yd yn haelder ni. ti a|e keffy. kymer di yr anrec
6
honn ym henỽ i. Ac aruera di ohonei. A nynhev
7
yn llaỽen a aruerỽn o|th anregyon titheu. hyt
8
pann vo velle yd ymgadarnnhaon yn nertho+
9
ed ni ỽers dragỽers. Ac yn arỽydon it ar hynny.
10
medylya di ac edrych o|r mynny dyvot at y ge+
11
nedyl yd henym ni ohonei. ni a|th|ossodỽn ar|y
12
petheu mỽyhaf yn yn|llys ni. Ac velle di a elly
13
aaruerv on amled ni. Ac o|r petheu amhyl y+
14
syd yn yn plith ni. Ac o|mynny ymhoelut dra+
15
cheuen. ti a|ymhoely yn gyfuoethaỽc. Coffa
16
hagen y|petheu neỽydhaf. Sef yỽ y|rei|hynny.
17
dy diỽed. Ac ny phechy yn tragyỽyd. O|r myn+
18
ny hagen adnabot yn maỽrỽrdayaeth ni.
19
Ac arderchogrỽyd yn goruchelder ni. Ac ym
20
pa dired yr arglỽydocka yn gallv ni. dyall ti.
21
A heb pedruster cret ti vy|mot i yn ieuan offei+
22
rat. arglỽyd yr arglỽydi. yn raculaennv holl
23
vrenhined y|dayar o nerth a gallu yn holre o+
24
ludoed o|r|y yssyd ydan y|nef. Deudec brenhin
25
a|thrugeint ysyd yn trethaỽl ynni. Minheu a
| « p 137v | p 138v » |