Oxford Jesus College MS. 119 (The Book of the Anchorite of Llanddewi Brefi) – page 5r
Ystoria Lucidar
5r
1
*GWeithret y|llyuyr hỽnn a berthynn ar
2
dỽy bersson. nyt amgen. ar disgybyl yn
3
gouyn. ac ar yr athro yn attep. ar dis+
4
gybyl a|dyỽat val hynn. O dydy glotuorus+
5
saf athro. mi a|archaf ytti attep ymi yn di+
6
lesc ar a ovynnaf. i. ytti. ar anryded y|duỽ.
7
ar eglỽys a lles y|minhev. Y|meistyr a|dyỽat.
8
Mi a|e gỽnaf herỽyd y gallỽyf. ac val na orth+
9
rymo y|llauur hỽnn vivi; Ef a|dyỽedir na
10
wyr neb beth yỽ duỽ. ac a|ỽelir hynny. bot
11
yn dyỽyll adoli yr hynn ny|s gỽddam. Ac ỽrth
12
hynny. o·honaỽ ef y dechreuỽn ni. Ac yn gyn+
13
taf dyỽet ti ymi beth yỽ duỽ. Mi a|e dyỽedaf
14
yt herỽyd. val y|mae kennat y|dyn y wybot.
15
Y|ryỽ allu ysbrydaỽl yỽ duỽ. kymeint y|hynaỽs+
16
ter a|e degỽch ac y damuna yr egylyon yr rei
17
ysyd yn wastat degach seithweith no|r heul
18
edrych byth yn wastat arnaỽ heb orffỽys. Pa
19
furyf y|dyellir y|drindaỽt yn vn duỽ. Edrych
20
di yr heul yn|yr hỽnn y|mae tri pheth. nyt
21
amgen. gallu tanllyt. a|goleuni. a|gỽres. Ac
22
ny ellir eu gỽahanu. kanys pei mynnvt a a+
23
llv ohonat dỽyn y|gỽres. ny bydei heul. neu
24
o|dygut y goleuni ohonaỽ ny|bei heul. drỽy
25
y|tan. y|dyellir y|tat. drỽy goleuni y|dyellir
The text Ystoria Lucidar starts on line 1.
| « p 4v | p 5v » |