NLW MS. Llanstephan 27 (The Red Book of Talgarth) – page 137r
Buchedd Martha, Purdan Padrig
137r
1
ỽrth anglad martha y lettywreic ef. a nyni yn deu a|e cla+
2
dyssam hi yr aỽr·honn. ac anuonỽch gennat ar hynt yn ol
3
vy modrỽy a|m menic gleissyon a rodeis yn ỻaỽ y cloch*
4
o|e cadỽ pan yttoedỽn yn ymbarattoi y gladu y corff. ac
5
yd edeweis yno ỽynt heb gof rac ebrỽydet y|m deffroassaỽch.
6
ac ỽynt a anuonassant yno. A phop peth o|r a dywaỽt yr esgob
7
a gahat yn wir. ac y dugant idaỽ y vodrỽy ac vn o|e venic.
8
a|r ỻaỻ a|gedwis y clochyd ganthaỽ yn|tystolyaeth ar vot
9
yn wir hynny. a heuyt y dywaỽt yr escob sant. gỽedy yr ang+
10
lad y doeth un o vrodyr y ty hỽnnỽ kyuarỽyd yn|yr ys+
11
gruthyr lan. ac y govynnaỽd yr arglỽyd pỽy oed y enỽ. ac
12
ny|s|attebaỽd ynteu namyn dangos ỻyvyr a|oed yn|y laỽ yn
13
agoret. ac yn hỽnnw yd oed yn ysgriuennedic y geireu
14
hynn. Y|m cof yn dragywyd y byd gỽirion vy ỻettywreic i
15
ac ny byd arnei ovyn clybot drỽc dyd·braỽt. A|gỽedy trei+
16
glaỽ hoỻ deil y ỻyuyr nyt oed dim yn ysgriuennedic yndaỽ
17
namyn hynny. A phoet trỽy eiryol y santes honno y delom
18
ninneu y vuched dragywydaỽl. ameN ~ ~ ~
19
*Purdan padric yỽ hỽnn.
20
Y Braỽt henri yr hỽnn ỻeiaf o|r myneich. mab ufud
21
y|r tat a ennyn rod ufuddaỽt y·gyt a chyssyỻtedic
22
annerch y dat ef yng crist. y rac·damunedic arglỽyd y
23
henri abat o sartylei. O enrydedus dat. chỽi a|orchymyn+
24
nassaỽch ymi. anuon yn ysgriuennedic y chỽi yr|hynn a
25
dywedeis i y glybot y|n kyndrycholder ni o|r purdan. Hys+
26
pys yỽ y gỽnaf|i hynny yn vodlonach o aỻu y gymeỻ o
27
arch ych tatoly·aeth chỽi y gyflenwir y gỽeithret hỽnnỽ. ~
The text Purdan Padrig starts on line 19.
| « p 136v | p 137v » |