NLW MS. 3035 (Mostyn 116) – page 60v
Brut y Brenhinoedd
60v
o genedẏl y|brytanyeit A gỽedy eu dyuot hyt yno a|gỽ+
neuthur amryuael peiraneu ymlad a|r gaer ac a|r mur
yn drut ac yn galet a orugant A gỽedy gỽelet o|wyr
rufein hẏnnẏ. Annoc a wnaethant y eu tywyssaỽc ym+
rodi ef ac ỽynt yn|trugared asclepiodotus ac erchi eu goll+
ỽg ẏ ymdeith o|r ynys heb dim da gantunt namyn
eu heneideu. kan daroed oỻ eu ỻad namyn vn ỻeg a
oed ettwa yn ymgynal. Ac ỽrth y kygor hỽnnỽ yd ymro+
dassant yn ewyỻus y brenhin a|r brytanyeit. Ac val
yd oedynt yn kymrẏt kygor am eu eỻỽg. Sef a|wna+
ethant gỽyr gỽyned eu kyrchu Ac ar yr vn frỽt a|ger+
dei drỽy lundein ỻad gaỻus tywyssaỽc a|e hoỻ get+
ymdeithon. Ac o|e enỽ ef y|gelwir y|ỻe hỽnnỽ yr hyny
hyt hediỽ yg|kymraec nant y keilaỽc. A galobrỽc
yn saesnec. A gỽedy goruot ar wyr rufein ac eu ỻad
y|kymerth asclepiodotus coron y teyrnas a|e ỻywodra+
eth drỽy ganhat a|duundeb pobyl ynys brydein a|thra+
ethu y kyuoeth a oruc o vnyaỽn wiryoned a hedỽch
drỽy yspeit deg|mlyned. A gỽahard cribdeil y|treiswyr
A|phylu clefydeu y ỻadron a oruc drỽy hynny o amser
Ac yna y kyuodes creulonder dioclicianus amheraỽ+
dyr rufein drỽy yr hon y|dileỽẏt cristonogaeth o y+
nys prydein. Yr hỽn a gynhalyssit yndi yn gyfan
yr yn oes les vab coel y brenhin kyntaf a gymerth
cret a bedyd yndi. kanys maxen tywysaỽc ymla+
deu yr amheraỽdyr creulaỽn hỽnnỽ a dothoed y|r
ynys a ỻu maỽr gantaỽ. Ac o arch a gorchymyn yr
amheraỽdẏr a|diuaaỽd yr eglỽysseu. Ac y ỻoscet ac
ỽynt ac a gahat o lyfreu yr yscrythur lan Ac y·gyt
a hynny y merthyrynt etholedigyon effeireit a chris+
| « p 60r | p 61r » |