NLW MS. Peniarth 11 – page 230v
Ystoriau Saint Greal
230v
y kaỽr o|e achaỽs. ac am hynny y kennetteis i ytti y cledyf y
ỻas penn ieuan vedyỽr* ac ef. yr hỽnn a|welaf|i racko yr aỽrhonn
Mi a|bereis arglỽyd vy meudỽyaỽ geyr dy vronn|di. a chỽbyl
o|m kyuoeth. a|gỽedy hynny mi a|euthum y gudugyl yn ymyl
y mor y benydyaỽ vyng|corff. a nosweith mi a|gyuodeis ac a
edrycheis ar y mor y·dan y kudugyl. ac a|arganuuvm ysgraff
gỽedy kymryt tir. ac a|deuthum inneu parth ac yno y e+
drych beth a|oed yndi. a|mi a|weleis yno tri offeiryat a|e hys+
golheigyon y·gyt ac ỽynt. ac a|dywedassant ym panyỽ gry+
gor oed henỽ pob vn onadunt. ac ỽynt a|hanhoedynt o|dir
y promission. ac a|dywedassant ym panyỽ salamon a|wna+
thoed teir|cloch. yr enryded y duỽ a meir a|r hoỻ seint. a|thrỽy
orchymun duỽ yd anuonet ỽynt y|r ynys honn am nat oed yr
vn yndi. ac ỽynt a|dywedassant ymi y kymerynt arnunt
gỽbyl o|m pechaỽt. a than yr amot hỽnnỽ y|dugum inneu
y gloch honn. kanys duỽ a vynn bot honn yma yn|exaỽm+
pyl y ereiỻ. y wneuthur y kyffelyb ỽrthi. Myn vyng|cret i
heb·y|paredur mi a|atwaen dy vot ti yn wr da. ỻawen vu ar+
thur am dyuotyat y gloch yno. Ac ef a|welit y|arthur panyỽ
vn ffunyt a honno a glybu ef y chanu ar y|fford. Y meudw+
yeit a aethant adref baỽp yn|y gyveir ar ol eu gỽassanaeth.
ac megys yd oed arthur diwarnaỽt yn bỽyta. a|pharedur a
gỽalchmei ygyt ac ef. a|r|marchogyon prud o|r ty heuyt. na+
chaf vn o teir morynyon y|gadeir yn|dyuot y|myỽn gỽedy y
tharaỽ a|gỽaeỽ drỽy berued y breich deheu idi. Arglỽyd heb
hi ỽrth baredur ystyrya y ỽrth dy vam a|th chwaer. canys
| « p 230r | p 231r » |