Breudwd Welsh Prose 1300-1425
Cymraeg

NLW MS. Peniarth 12 part ii – page 39r

Ystoria Lucidar

39r

*ennwired. a|r daear a|gyfyt yn|y erbyn yn|dyd kandared yr
arglỽyd. am|dywedut ohonunt ỽrth yr arglỽyd. kilya y ỽrth+
ym. ny mynnỽn ni wybot dy ffyrd di. discipulus Ae yn|dechreu byt
y crewyt yr|eneidyeu. ae ynteu beunyd o newyd. Magister Duỽ a
wnaeth pob peth y·gyt ar vnweith. megys y dywedir o|r a vyd.
a|gỽedy hynny ef a|neiỻtuaỽd pob peth. ỽrth hynny ef a|gre+
ỽyt yr eneidyeu yr y|dechreu o anweledic defnyd. ac ỽynt a|ffu+
ryfheir beunyd. ac a|anuonir eu heilun y|r corfforoed. megys
y dywedir. vyn|tat i a|lafuryaỽd hyt yr aỽrhonn. a minneu a
lafuryaf yr hỽnn a ossodes eu kaỻonneu yn inseiledic. sef yỽ
hynny eu heneidyeu. discipulus Pryt na chreo duỽ namyn eneidyeu
glan da. ac ỽynteu yn ufuddaỽt idaỽ ynteu yn mynet y|r cor+
fforoed. ryued yỽ eu mynet y uffern. pan vo meirỽ y kyrff hyn+
ny. Magister Duỽ yr hỽnn y mae pob daeoni a|phob gleindyt gan+
thaỽ. ny chreaỽd dyeithyr eneidyeu da glan. a|r rei hynny
herwyd anyan a|damunant vynet yn|y corfforoed. megys
y|damunỽn ninneu yn byỽ herwyd anyan. Eissyoes pan el+
ont ỽy y|myỽn y ỻestyr budyr halaỽc hỽnnỽ. kymeint y
gỽnant ỽy y ewyỻys ef ac y karant yn vỽy no duỽ. ỽrth
hynny pan vo trech ganthunt ỽy y ỻestyr budyr hỽnnw
yr hỽnn y maent yng|karchar yndaỽ no charyat duỽ. iaỽn
yỽ y duỽ eu gỽrthlad ỽynteu o|e gedymdeithyas ef. discipulus A|wy+
byd yr eneid˄ey* a|vont yng|korfforoed y|dynyon bychein dim.
Magister Ef a|darỻeir am ieuan uedydyỽr ry synnyaỽ o|e eneit
ef ac ef etto yng|kroth y vam. ac a|wybu ry dyuot crist at+
taỽ. ỽrth hynny amlỽc yỽ nat oes eissyeu synnwyr ar enei+
dyeu y rei bychein. kyt boet eissyeu gỽeithret. discipulus Paham

 

The text Ystoria Lucidar starts on line 1.