Breudwd Welsh Prose 1300-1425
Cymraeg

NLW MS. Peniarth 15 – page 16

Buchedd Dewi

16

das ewch oll o|r eglwys allann heb ef ac* proui pregethv a|orvc ac nys ga+
llei Ac yna y|govynnawd gilldas a oed neb ẏn|ẏr eglwẏs onnyt euo hvn
ẏd|wẏf|i ẏma heb ẏ|lleian yrwg ẏ|dor a|r paret dos ti heb ẏ|sant ẏdi*+
ethẏr ẏr eglwẏs ac arch ẏ|r plwyf dẏvot ẏ|mẏwA|phob vn a|doeth 
le ẏ eisted val ẏ|bvassai Ac ẏna pregethv a|orvc y sant yn eglvr ar* yn
vchel yna y|govynnawd ẏ|plwẏf idaw pahann* na eilleist di bregehv* yni
gẏnheu a|nẏnhev yn llawen yn damvnaw dẏ|warandaw di Gelwch heb
ẏ sant ẏ lleian ẏ|mywn a|yrreis. i. gynnev o|r eglwys heb y|nonn llẏma vi+
vi heb y|gildas ẏna ẏ mab ẏsẏ ẏg|kroth y|lleian hon ẏsẏd voe ẏ|vedẏant
a|e rat a|e vrdas no mi·vi kanẏs idaw ef e|hvn y rodes dvw breint a
phennadvrẏaeth holl seint Kẏmrẏ yn dragẏvydawl kẏnn dẏdbrawt a
gwedy ac am hẏnnẏ nyt oes heb ef fford ymi y|drigẏaw yma hwy o|a+
chos mab ẏ|lleian roko y|rodes dvw idaw pennadvryaeth ar bawp o|r ẏ+
nẏs honn a|reit ẏw ymi heb ef venet ẏnẏs arall a|gadaw y|r mab|hwn
yr ynys hon Goyrthen arall a|wnaeth dewi ẏn|ẏr awr y|ganet ef Ef a
doeth taranev a|mellt a|charrec a|oed gyfverbynn A|phenn nonn A|holl+
tes ẏnẏ vv ẏn dev hanner ac a neidyawd y|nell* hanner idi dros benn y|llei+
an hyt is ẏ|thraet pann yttoed hi ẏnn escor Gwyrthev arall a|orvc dewi
pann vedẏdẏwyt ef a|ymdangosses ffẏnnẏawn o|r daẏar lle nẏ bvassei ffyn+
yawn eiroet a dall a|oed yn dalẏ dewwrth vedyd a|gauas yna y|olwc ac
yna ẏ|dall a|wẏbv vot ẏ|mab yr oed ẏn|ẏ dalẏ wrth vedyd yn gyfvlawn
o|rat A|chymrẏt ẏ|dwfvyr bedẏd a|golchi ẏ|wẏneb a|r|dw·fvẏr Ac o|r aw
ganet dall wynebclawr oed ac yna y|olwc a|gawas a|chwbl o|r a|berthẏnei
Sef a|wnaeth pawb yna moli dvw val ẏ|dẏlẏẏnt Yn|ẏ lle ẏ|dẏsgwyt dewi
yndaw a|elwit vetvs rvbvs yng|kymraec yw yr hen llwẏnn yno y|dẏsgwẏt
idaw ef seilẏnn* yr holl wlwydynn a|llithion a|r offerenev Yno y|gwelas
y|gytdisgyblon ef colomen a|gylvin evr idi yn|dysgv dewAc yn gware yn|y
gylch odẏna ẏr aeth dewi hẏt at athro a|elwẏt Pawlinvs a|disgẏbyl oed
hwnnw ẏ|escop Sant a|oed ẏn rvfein a hwnnw a|disgyawd dewi hẏnnẏ*
vv athro Ac yna y|damweinawd colli o|athro dewi ẏ|lẏgeit o|dra gormod
dolvr ẏn|ẏ lẏgeit a|galw a|orvc yr athro attaw ẏ|holl disgyblon ol yn|ol
y|geissyaw y|gantvnt ganhorthwy am||lyeit* Ac nyt yttoed yr vn ẏn|
allel idaw Ac yn diwethaf oll galv dewi a|orvc Dauẏd heb yr athro ed+
rych vẏ llẏgeit y|manet*|m poeni arglwyd athro heb y|davyd nac arch
ymi edrych dy llygeit yr ys deg|mlyned y|devthvm. iattat ti y|dysgv
nẏt edrẏcheis. i. ettiw* y|th wneb* di Sef a|orvc yr athro yna medẏ+
lyaw A ryvedv kewilyd ẏ|mab a|dẏwedvt kanẏs velle y mae heb
ef wrth ẏ|mab. doro de|law ar vy weneb. i. A bendiga vy llygeit