NLW MS. Peniarth 19 – page 6r
Ystoria Dared
6r
21
Machan oed wr maỽr kadarn
hyspys caỻ ofnaỽc. trugaraỽc
Meiryaỽn oed wr coch. a chorff
crỽn kymhedraỽl idaỽ sarhae+
dus gỽydyn creulaỽn. nyt oed
ammynedus. Brisidia gwreic
agamemnon oed ffurueid. nyt
oed hir. a|chnaỽt gỽynn idi. a
gwaỻt melyn. ac aeleu duon. a
ỻygeit ỻathreit aduỽyn. a chorf
kyfyaỽn. a dywedỽydat claer
kewilydyus. ac annỽyt mul
gỽar. Pryt gỽyr troea a dam+
lywych
22
gỽr hiruein buan. ac aelodeu
blewaỽc. a chaỻ oed. Eckuba
gwreic briaf. gỽreic vaỽrdec oed
a chorf eryr idi. ac anwyt gỽra+
ỽl kyfyaỽn. a gỽar oed. andro+
macca. gỽreic hirwenn ffur+
ueid oed a ỻygeit eglur. hi
oed hynaỽs a diweir a chlaer
oed. Casandra. kymhedraỽl oed.
a geneu bychan idi. a ỻygeit
eglur. a dehogylwreic oed o|r
hynn a delei rac ỻaỽ. Polixena
gỽreic hirwenn furueid vynỽ+
gylhir. a ỻygeit aduỽyn a gỽaỻt
melyn hir. ac aelodeu kyweir.
a byssed hiryon. ac esgeired.
crynnyon. a|thraet ỻunyeid
oed idi. yr honn o|e thegỽch a
ragorei ar baỽp. annwyt mul
hael oed idi a|diweir oed.
A C yna y doeth gwyr groec
a|e ỻyghes ganthunt y|r
wlat a|elwit athenas. yn gyntaf
y doeth agamemnon y|r dinas
a elwit mecene a chan|ỻong gan+
thaỽ. a menelaus o|r ynys a|elỽ+
it sporta. a thrugein|ỻong gan+
thaỽ. a thelaus a pheleas ỽyn+
teu o uoecia y doethant. a dec
ỻog a|deugeint ganthunt. ali+
mercus o|r wlat a|elwit orcho+
meus. a dec|ỻong ar|hugeint gan+
thaỽ. Epitropus o|r|wlat a|elw+
it polides. a|deugein|ỻog gan+
thaỽ. Talamon ynteu a|duc ygyt
| « p 5v | p 6v » |