Breudwd Welsh Prose 1300-1425
Cymraeg

NLW MS. Peniarth 45 – page 292

Bonedd Gwyr y Gogledd, Y Rhagorau a geiff, Trioedd Ynys Prydain

292

tutclyt. mab. kedic. mab. dyuynwal hen.
Mordaf. mab. seruan. mab. kedic. mab. dyfyn+
wal hen. Elffin. mab. gỽydno. mab. caỽrdaf
mab. garmonyaỽn. mab. dyfynwal hen. Ga+
uran. mab. aedan uradaỽc. mab. dyuynwal hen.
mab. idnyuet. mab. maxen wledic amheraỽdyr
ruuein. Elidyr mỽynuaỽr. mab. gorust pri+
odaỽr. mab. dyfynwal hen. Huallu. mab. tut+
uỽlch corneu tywyssaỽc o kernyỽ. A dywanw 
merch amlaỽt wledic y uam. ~
*Llyma y ragoreu a|geiff y neb a welho
corff crist pan ganher efferen. Aghen+
uỽyt a|gymerho. Ny dielir. ymadrodyon
diffrỽyth. Ny cherydir. Anudoneu anỽybot
ny choffeir. Ny daỽ agheu deissyueit idaỽ
O|r byd marỽ breint kymunaỽl a uyd arnaỽ
Tra warandawo efferen. Ny henhaa. Pob
cam a|kerdo yn mynet ac yn dyuot angel
a|e rif. Ac am bob cam gobrỽy a|geiff.
*Trioed arbennic yỽ hyn yma.
TEir person. y tat. Ar mab. Ar yspryt
glan. yr un tri. yr un duỽ yssyd y nef
ar un gỽr agheu. Ar un tywarchen yd|a
paỽb iddi. y deu tri. y deu dyn yd hiliwet
y byt o·nadunt. adaf. ac eua. Ar dỽy ser+
en arbenhic. heul. a|lloer. Ar dỽy gywarth+
ei. nef a|dayar. y tri thri. Teir person
yssyd yn nef. Ar tri brenhin adolassant

 

The text Y Rhagorau a geiff starts on line 11.

The text Trioedd Ynys Prydain starts on line 20.