NLW MS. Peniarth 9 – page 39r
Ystoria Carolo Magno: Pererindod Siarlymaen
39r
1
*bot yn rỽyd y hynt racdaỽ a|y bererindaỽt. A gỽ+
2
edy offrymmu yr allaỽr o offrỽm teilỽg rannu a
3
oruc y creireu a dathoyd gantaỽ y eglỽyseu ffreinc.
4
A rodi kerennyd a oruc yr vrenhines a|madeu
5
idi y godyant a|y gewilyd.
6
HYt hyn y traytha yr ystoria a|beris Reinallt
7
vrenhin yr ynyssed y athro da y throssi o we+
8
ithredoyd charlymayn o rỽmaỽns yn lladin.
9
Ac amrysson ar vrenhines val y traythỽyt uch+
10
ot oll. ac nyt ymyrrỽys tỽrpin yn hyny kanys
11
gỽr eglỽyssic oyd. Ac rac gyrru arnaỽ beth gor+
12
wac ny pherthynei ar leindit. O hyn allan y
13
taytha* tỽrpin o weithredoyd charlymayn yn
14
yr yspayn. ac o enỽ duỽ a Jago ebostol val yd es+
15
tygỽyt y wlat honno y gret crist. ac val y bu y
16
kyfrageu hyny. y peris tỽrpin eu hyscriuenu
17
yn lladin. Ac val y deallei paỽb ỽynt o|r a|y gỽ+
18
elei o genedloyd agkyfieith a hyny oll yn enỽ
19
charlymayn ar uolyant ac enryded idaỽ. Ac
20
amheraỽdyr ruuein a|chonstinabyl y gỽyr a
21
vuassei yg gyt oyssi ac ef yn|y kyfrageu hyn+
22
ny ac yn kymryt gỽelioyd a gouut yndunt
23
oc eu dechreu hyt eu diwed ol yn ol yn dosparth+
24
us. val y buant. Ac y dichaỽn paỽb a|y darlleo
25
neu a|y gỽarandaỽho na oruc ef dim yn oruac
26
namyn perued y wiryoned wedy eu deall o yspry+
27
daỽl gyghoreu a berthynant ar volyant crist
28
a llewenyd egylyon nef a lles y eneideu criston+
29
nogyon a|y gỽarandaỽho.
The text Ystoria Carolo Magno: Pererindod Siarlymaen starts on line 1.
| « p 38v | p 39v » |