Oxford Rawlinson MS. B 467 – page 1r
Y Pedwar Gwlybwr
1r
*lle y|r melyncoli yn yr tu assỽ y|r ysplen
a|r ffleuma. peth ohonaỽ yn|y penn peth y+
n|y chỽyssigen a peth arall yn|y galon. y
sanguis ysyd ỽressaỽc a gỽlyb a melys. a|r
colera ysyd ỽressaỽc a sych a|chỽerỽ. Melynco ̷+
li du yỽ a|sych ac oer. a|sur. Y ffleuma oer
yỽ a gỽlyb a|diflas. A|r sanguis. a dyf y gỽ ̷+
anỽyn o|haner chỽefraỽr hyt hanner mei
a|r colera o|hynny hyt betheỽnos ỽedy aỽst
A|r melancoli o|hyny hyt bytheỽnos o|r ga+
yaf. A|r fleuma o|r amser hỽnnỽ hyt haner
chỽefraỽr. Y sanguis a vyd pennaf o|r na* ̷+
ỽet aỽr o|r nos hyt y dryded aỽr o|r|dyd. Y
colera o|r dryded aỽr o|r dyd hyt y naỽet
aỽr o|r nos. Melancoli o|r naỽet o|r dyd hyt
The text Y Pedwar Gwlybwr starts on line 1.
| p 1v » |