Breudwd Welsh Prose 1300-1425
Cymraeg

Shrewsbury MS. 11 – page 85

Ystoria Adda

85

*val hynn y dechre ystorya y wir croc
Y N ẏr aỽr y pechỽẏs Adaf ym parad+
ỽẏs y gyrrỽyt odyno A ỻef a dodes a+
daf am y welet yn noeth Ac o drugared duỽ
y kudyỽyt ef o|r deil Ac o rybuchet yd edewit
idaỽ oleỽ trugared yn diwed yr oessoed O+
dyna y doeth Adaf ac Eua y wreic kyt ygl+
yn Ebron Ac yno y diodefaỽd Adaf lawer
o lauuryeu drỽy hwys a chyueilorn y ga+
lon Ac yno y ganet deu uab vdunt kaim
ac Auel ac ual yd|o˄ydynt yn aberthu herwyd y
deuaỽt yd edrychỽs yr arglỽyd ar offrymeu
Auel Ac nyt oed hoff gantaỽ offrymeu kaim
kanys o ỽrthỽyneb y galon yd aberthei a ph+
an ỽybu kaim hynny dala kyghoruynt a
oruc ỽrth y uraỽt a|e lad ac yna y dywaỽt
Adaf ỻawer o drygoed a doeth o achaỽs gỽreic
Buỽ yỽ duỽ heb ef o byd achaỽs ymi a  ad be+
llach ac ympeidaỽ a hi a|oruc deu|can mlyned
ac yna o orchymmun duỽ y gan duỽ e|hun y bu

 

The text Ystoria Adda starts on line 1.