Shrewsbury MS. 11 – page 99
Ystoria Adda
99
1
onoed Yna ẏ bẏd kỽẏnuan a deingryt yn+
2
a Ẏ tẏmir* ẏ gỽres a|r lleuuer ẏ gan ẏr h+
3
eul ac ẏ dygỽẏd ẏ syr ac yd ymhoel ẏ nef
4
ac ẏ palla y goleuni ẏ|r lleuat ac yd esty+
5
gir ẏ brẏnneu ac ẏ dyrcheuir ẏ glynneu
6
ac ẏ gỽystẏteir cỽbẏl o|r hoỻ daẏar a|r mo+
7
roed a|r glyneu ac uchel ac issel a orffỽẏs+
8
sant pop peth ar y daẏar a|r awẏr ac ẏ
9
lloscit yr auonoed a|r ffynhoneu ac ẏna
10
y daỽ corn o oruchelder a|uyd aruthyr gan
11
y|pechadurẏeit ẏ glẏwet ẏna ẏ kỽyn y byt
12
ẏ camweithretoed a orugant yna ẏ trossir
13
ẏ daẏar ẏ|ar vffern o|e dangos ẏna ẏd e+
14
stygant yr hoỻ urenhined rac bronn un.
15
arglỽẏd ẏna y attỽẏsta auon o urỽnsta+
16
n a than gwyllt o nef ac gwedy dywedut
17
ohonaỽ llawer ẏ·gẏt a hẏnnẏ ỽrth Selyf
18
ẏmhoelut ẏ|ỽ gwlat a oruc Ac yno ẏ bu
19
y pren yn gorwed ẏnẏ diodefaỽd Jessu
20
crist ẏ agheu ẏ dẏwaỽt un onadunt
| « p 98 | digital image | p 100 » |