Rhydychen, Llsgr. Coleg yr Iesu 20 – tudalen 42r
Saith Doethion Rhufain
42r
1
*yn|y mod hỽn y treythir o chwedleu seith
2
doetheon rufein. o weith llewelyn ofeirat.
3
D Jaỽchleisẏaỽn a oed amheraỽdyr yn
4
rufein. A gwedy marỽ eua y wreic
5
a gadu vn mab o etiued udunt. ynteu a
6
dyuynnaỽd attaỽ seith o doethon rufein.
7
nyt amgen eu henweu. Bantillas. au+
8
gustus. lentillus. Malquidas. Catomas
9
varchaỽc da. Jesse martinus. A|r gwyr hyn+
10
ny gwedy eu dyuot a ovynnassant y|r
11
amheraỽdyr beth a vynnit ac ỽynt. A
12
phaham y dyuynnassi* ỽynt yno. LLy+
13
ma yr achaỽs heb yr amheraỽdyr vn mab
14
yssyd ym. A gofyn y|chwitheu att bỽy y
15
rodỽyf ef y dyscu moesseu a dyuodeu a
16
mynytrỽyd a magyat da idaỽ. ẏ·rof|i a
17
duỽ heb·y bantillas vn o doethon rufein.
18
pei rodut attaf|i dy vab ar vaeth. Mi a
19
dysgỽn idaỽ kymeint ac a ỽnn i mi a|m
20
chwech kedymdeith erbyn penn y seith
21
mlyned. Je heb yr augustas roder attaf i
The text Saith Doethion Rhufain starts on line 1.
| « p 41v | p 42v » |