LlGC Llsgr. 3035 (Mostyn 116) – tudalen 163v
Brut y Tywysogion
163v
oed hunyd verch vledyn ap|kynvyn y|penaf o|r brytanyeit
wedy gruffud ap ỻywelẏn y rei a oedynt vrodyr vn vam ka+
nys ygharat verch varedud vrenhin y brytanyeit oed y
mam eỻ|deu. Ac ywein ap cradaỽc vab gỽenỻian verch ẏ
dẏwededic bledẏn y rei a ỻawer o|r rei ereill a doethant
ygyt a gofyn a|oruc y|freinc udunt. a|oedynt oỻ fylonyon*
y henri vrenhin ac atteb a wnaethant eu bot a dywedut
a|wnaeth y|freinc ỽrthunt ot|yttyỽch val y|dywedỽch dan+
gossỽch ar aỽch gỽeithret·oed yr hyn yd ytty·ỽch yn|y adaỽ
ar aỽch tauaỽt reit yỽ yỽch kadỽ casteỻ kaer vyrdin yr
hỽn y brenhin. pop vn ohonaỽch yn|y gossodedic amser val
hyn kadỽ y casteỻ o ywein vab cradaỽc petheỽnos. a ryderch
vab teỽdỽr pytheỽnos araỻ. a|maredud vab ryderch ap cra+
daỽc petheỽnos. a bledri vab kedi·uor y gorchymynỽyt
casteỻ robert laỽ·gam. Yn aber cofỽẏ. a gỽedy ansodi y
petheu hẏnnẏ Gruffud ap rys a|bryderaỽd am anuon dis+
gỽyleit am torri y casteỻ neu y losgi. A|phan gauas am+
ser a·das val y gaỻei yn haỽd kyrchu y casteỻ yna y|dam+
weinaỽd bot ywein vab cradaỽc yn kadỽ y gylch ar y
casteỻ. ac yna y duc gruffud ap rys a|e getymdeithon.
kyrch nos am ben y casteỻ a|phan gigleu ywein a|e get+
ymdeithon. kynỽryf y gỽyr a|e geỽri yn dyfot. kyfot yn
ebrỽẏd o|r ty ỻe d |oed ef a|e gytymdeithon. ac yn|y ỻe
y|clywei yr aỽr. ef e|hun a gyrchaỽd ymlaen y vydin a
thybygu bot y|gytymdeithon yn|y ol. ỽynteu wedy y a+
daỽ ef e|hunan ac a|ffoyssynt. ac veỻy y ỻas yna. a gỽedy
ỻosgi y|rac·casteỻ heb vynet y|myỽn y|r tỽr yd ymhoe ̷+
laỽd ac yspeileu gantaỽ y|r notaedigyon goedyd. Odyna
| « p 163r | p 164r » |