LlGC Llsgr. Peniarth 15 – tudalen 15
Buchedd Dewi
15
1
*LLyma ach dewi a|thalym o|e vvched ~ ~ ~ ~
2
D avẏd vab sant vab karedic vab kvneda vab edern vab padarn
3
peisrvd vab deil vab gordeil vab Dwvẏn vab gordwvẏn vab
4
am·guoel vab amweryd vab onvt vab perim vab dvbim vab ongen vab
5
avallach vab eugen vab evdolen
6
K eredic vrenhin a|wledẏchawd llawer o|vlwẏnẏded ac o|e enw ef ẏ|kauas
7
keredigyawn ẏ|henw A|mab a|vv idaw ac enw ẏ|mab oed sant ac ẏ
8
hwnnw yr ymdangosses angel ẏn|ẏ hvn a|dẏwedvt wrthaw auorẏ heb
9
ef ti a|ei y|helẏ. A|thi a|geffy tri dẏvot geir llaw avon teiui nyt amgen.
10
karw a|gleissat a|heis* wenẏn ẏ|mẏwn prenn vch penn yr avon ẏn|ẏ lle a|el+
11
wir yr awr honn henllan dẏro dẏlẏet y|tir y|gadw y|uab nẏ anet etwo ef
12
bievyd dev le hẏt dydbrawt ẏ|rei a|dywespwẏt vchot linhenllan A litonm+
13
avcan Odẏna y|doeth padric hyt ẏ|glẏn rosin ac y|medylẏawd dwẏn ẏno ẏ vv+
14
ched ac angel a|doeth at padric a|dẏwat wrthaw adaw ti heb ef ẏ lle hwn
15
y vab nẏ anet ẏtwo Sef a|orvc padric llidiaw a|dẏedvt* paham ẏ|tremyg+
16
awd yr arglwyd ẏ|was a|vv ẏr yn vab yn gwassanaethv idaw ef drwy
17
ovẏn a|charẏat ethol o·honaw yntev yr awr honn ẏ vab nẏ anet ac nẏ
18
enir hẏt ympenn dec mlẏned ar|hvgeint ac ymparatoi a|orvc padrig y|yma+
19
daw ac ẏdaw* y|lle hwnnw y|r arglwyd grist a|r arglwẏd eissoes a|garei ba+
20
dric ẏn|vawr Ac a|anvones angel attaw y|dvhvdaw A|r angel a|dywat wrt+
21
haw padric byd lawen yr arglwẏd a|m hanvones. i. attat ti y|dangos ẏt
22
ynẏs Jwerdon o|r eistedva ẏsẏd yn|glẏn rosin ac a|elwir yr awr honn
23
eistedva padric kanẏs ti a|uedẏ ebostol ẏn|ẏr ẏnẏs a|welẏ di a|thi a diodevy
24
lawer ẏno o|garẏat dvw A|dvw a|vyd ẏ·gẏt a|thi beth|bynnac a wnelych
25
ac yna y llonydwẏt medwl padric Ac ẏ|gedewis padric ẏ|dewi y lle hwnnw
26
a pharatoi llong ẏn|ẏ porthloed idaw A|chẏvodi o|warw gwr a|gladyssit
27
yno ar ẏ|morua ẏr ẏs pẏmthec mlyned krvchier oed ẏ|enw a|mynet a|orvc
28
padric y|Jwerdon a|r gwr hwnnw ẏgẏt ac ef. A|hwnnw gwedy hyn+
29
ny a|vv escob Ac ympenn ẏ|deg|mlẏned ar|hvgein wedẏ hẏnny val yd
30
oed y breinhin* a|elwit sant yn kerdet e|hvn nacha lleian ẏn kyfarvot
31
ac ef Sef a|orvc yntev ẏmavael a|hi a|dwẏn treis arnei a|r lleian a ga+
32
vas beichogi enw ẏ|lleian oed nonn A|mab a|anet idi A davyd a|rodet
33
yn enw arnaw A gwr nẏ bv idi hi na chẏnt na gwedẏ diweir oed hi
34
o|vedwl a|gweithret kẏnntaf gwyrthev a|wnaeth dewi o|r pan gafas
35
hi weichogi nẏ mẏnnawd hi vwẏt namẏn bara a|dwfẏr yn|y hoes
36
ac ny lewas dewi vwẏt namẏn bara a|dwfvr Eil gwyrth a
37
wnaeth dewi a|e vam yn mynet. y. waranndaw pregeth y gan gildas
38
sant Gildas a|dechreuawd pregethv Ac nys gallei ac ẏna y|dywawt gil+
The text Buchedd Dewi starts on line 1.
| « p 14 | p 16 » |