LlGC Llsgr. Peniarth 32 (Y Llyfr Teg) – tudalen 251
Brut y Saeson
251
1
* Adewlff primus rex totius angel saxonum
2
Aluryt 2. Edwart 3. Edylstan.4.
3
[ Brut Saxonum
4
5
G Wedẏ kadvaladyr vendigeit a goresgẏn o|r saesson ẏnẏs
6
brẏdein ẏn seith brenhinẏaẏth ẏ ranassant o|r rei
7
ẏ bu ẏn gẏntaf. Eỻe vrenhin Esex. Selẏn vrehin* Sothsex.
8
Edẏlbrith vrehin* keint. Rodỽaỻt vrenhin blaen ỻoeger.
9
Edvin vrenhin northvmbẏlond. Oswaỻt vrenhin ẏrỽg
10
trin a|thued. Seithuet vu Osvi ẏ vraỽt ẏnteỽ vrenhin
11
ẏr ẏscottẏeit a|r fichtẏeit. ac veỻy ẏ bu ẏnẏs brydein
12
gant mlẏned ẏn ranedic a theruẏsc veitheu y·rẏdunt
13
e|hunein gỽeitheu ereiỻ y·rẏdunt a|r bruttaneit [ Odẏ ̷+
14
na deg|mlẏnet a deugeint ac vẏth|cant oeed* oet crist
15
pan vledychaỽd adewlf vab edylbrich vab Emeric vab
16
Octa vab orric vab hengist yn ol offa vrehin* ẏ mars.
17
gỽr a vu aderchaỽc* ac a|drestẏgaỽd* ỻaỽer o vrenhi+
18
naetheỽ. [ yr adeỽlff. hỽnnỽ a vu gẏntaf pena+
19
dur o|r saeson ar yr hoỻ teernas ac a vuassei. esgob
20
ar gaer vynt kyn·no hẏnnẏ. Ac o achaỽs ẏ
21
volẏanrỽyd a|e brudder y perit ido vreica. A|thri|meib
22
a vu idaỽ. [ Deudeg|mlẏned a|thrugeint ac vyth
23
cant oed oet crist pan vledychaỽd aluryt y vab ef
24
yr jeuaf ỽydy marỽ y deu vrodẏr hẏnaf. Ac a|uagas+
25
sit ẏ gan leo pab. ac ef|yr|gyntaf a gauas coron a|chẏsse+
26
gẏr ẏ gan leo pab ac am hẏnnẏ ẏ|dyỽetpỽyt ẏ vot
27
ef yn gẏntaf penadur ar y|dernas Jdaỽ ef ẏ ganet
28
mab a elvit. Edward a|phump merchet vn o·honunt
29
a vu emperodres. ẏr eil vu vrenhines yn freinc.
The text Brut y Saeson starts on line 1.
| « p 250 | p 252 » |