LlGC Llsgr. Peniarth 9 – tudalen 9r
Ystoria Carolo Magno: Rhamant Otfel
9r
1
*y gỽeithret hỽn ar yr hỽn y dodỽn i. deruyn
2
pena bei rac keryd vy anallu. Ac ỽrth hyny
3
y bu dewissach gennyf vi adaỽ y llyuyr hỽn
4
yn an·orffen noy ymhoylut o|th arch di o rỽ+
5
maỽns yn lladin yn yr hỽn ny chynadefa
6
vi vy mot yn aỽdur namyn yn dyallỽr ys+
7
torryaeu. Ac ỽrth hyny tydi lywaỽdyr o
8
cheffy di yn|y llyuyr hỽn dim aggredadun neu
9
agkyfun y wiryoned. na liwya yr golystaỽ+
10
dyr namyn y aỽdur y gỽeithret kyntaf. ca+
11
ny dylyir galỽ yn euaỽc datcanỽr geu arall
12
namyn y neb a vo dechymygyaỽdyr y aỽdur
13
kyntaf yr geu. Ac o|r llyuyr lladin hỽnnỽ yd
14
ymhoylỽyt hỽn yg kymraec.
15
A Phỽy|bynhac a vynho gỽybot neu gỽran+
16
daỽ y chwedyl grymỽys* o wastadrỽyd
17
y vryt ymosteget. A|ninheu a draythỽn id+
18
aỽ ef o ulodeu y wedleu. nyt amgen noc y
19
ỽrth y grymussaf charlys vab peppin hen vre*+
20
hin ffreinc yr ameraỽdyr bonedicaf. A|chy+
21
uoythoccaf. Ac ardyrchoccaf gorysgynnỽr
22
gỽla·doed anfydlonyon a gelynyon crist a
23
vu eiroet yn ruuein. Ar deudec gogyuurd
24
o ffreinc y rei a ymgarỽys yn gymeint ac
25
nat ymwahanysson eiroyt yny las pan
26
wynayth gỽenwlyd eu brat y anffydlaỽn
27
genedyl y paganyeit. yn yr vn dyd ef a las
28
o·nadunt seith cant. ac vgein mil. Am yr
29
hyn a gymerth charlys yndaỽ diruaỽr do+
The text Ystoria Carolo Magno: Rhamant Otfel starts on line 1.
| « p 8v | p 9v » |