Llsgr. Bodorgan – tudalen 80
Llyfr Cyfnerth
80
dỽyn treis o·honaỽ ef erni hi ar gala honno
Ac uelly ny chyll hi dim o|e iaỽn. Y neb a wa+
to treis. rodet lỽ deg wyr a deu vgeint heb
gaeth a heb alltut. O tri achaỽs ny chyll gỽ+
reic y hegỽedi kyt adaỽho y| gỽr. o clafyri. Ac
eisseu kyt. A dryc anadyl. Tri pheth ny ch+
yll gỽreic kyt gatter am y cham. y chowyll.
ae hargyfreu. Ae hỽynebwerth. nyt amgen
wheugeint. uyd y hỽynebwerth. Teir·gỽe+
ith y keiff gỽreic y hỽynebwerth. pan gyt+
tyo ynteu a gỽreic arall. Ac os diodef dros
hynny; ny cheiff dim. Tri llỽ a dyry gỽre+
ic y ỽr. pan enlliper gyntaf; llỽ seith wra+
ged. Ar yr eil enllip. llỽ pedeir gỽraged ar
dec. Ar y trydyd enllip; llỽ deg wraged a deu
vgeint. Ac os diodef dros hynny; ny cheiff.
dim. Na rodet neb wreic y ỽr heb gymryt
mach. ar y gobyr yr arglỽyd. Ag onys ky+
mer; talet e| hunan. Ony wna morỽyn a
vynho o|e chowyll kyny chyfot y bore y ỽrth
y gỽr; kyt uyd y rydunt. O|r yscar gỽr
a gỽreic kyn pen y seith mlyned. val hyn
y rennir y dootrefyn. y rydunt. y gỽr bieu
a vo o|r dillat gỽely y|rydaỽ a|r llaỽr. A|r
| « p 79 | p 81 » |