LlGC Llsgr. Peniarth 190 – tudalen 73
Ystoria Lucidar
73
nyt a|vynno duỽ o|e drugared. veỻy ny dicha+
ỽn y rei drỽc wneuthur mỽy noc a atto dwy+
waỽl varn udunt. ac ny byd mỽy eu poen
noc a|wyr duỽ yr|dechreu byt hyt diliỽ y
dylyu. megys y dywedir. Kynn gỽneuthur
o·nadunt na da na drỽc mi a geisseis esau
ac a|gereis Jacob. ac megys y gỽelir bot yn
gamgylus y neb a|glyỽo ỻawer y ỽrth duỽ ac
nyt uvudhao idaỽ. veỻy y gỽelir. bot yn diargy+
wed y|r neb ny chigleu dim y ỽrth duỽ. ac o|r a ̷+
chaỽs hỽnnỽ. ny wnaeth idaỽ dim gỽassan+
aeth. a|dynyon a grewyt yr gỽassanaethu o+
nadunt eu creaỽdyr drỽy garu eu kyrff nes+
saf herwyd anyan. Megys y dywedir. Na
wna dim y araỻ o·nyt a vynnut yt|ty hun.
Ny mynn neb ledratta arnaỽ. na dwyn y
gymar. na|e lad. ỽrth hynny. na wnaet yn+
teu hynny y araỻ. a phan dremycko dyny+
on eu kyfnessafyeit yn|y ryỽ betheu hynny
y maent yn gỽrthỽynebu y|r gỽr yssyd wir
garyat. a channyt oes gongyl yn|y byt nyt
| « p 72 | p 74 » |