LlGC Llsgr. Peniarth 11 – tudalen 8r
Ystoriau Saint Greal
8r
assynt ueirỽ. a|hynny o achaỽs laỽnslot. ac ỽylaỽ a|oruc hi.
Ac ym|penn talym dywedut. yn lle gỽir heb hi maỽr a|dar+
ymes y|r|byt yỽ hynn. Kanys kynn gorffen y keis hỽnn ef
a|gyỻ ỻawer gỽrda y eneit. a|ryuedu a|oruc gadel vyth o arthur
hynny. kanys yr rann vỽyhaf o|e uarỽnyeit a|oedynt yn
mynet y|r hynt honno. Ac ueỻy yr ymdidanyssant dan wylaỽ
hi a|e rianed. ac yna y gwraged a|doethant y|r neuad. a|r tris+
dit mỽyhaf o|r byt ganthunt. kanys pob gỽreic a|ymdidanei
am y gorderch ỽrth y|mackwy yd|eynt ygyt ac ef y geissyaỽ
seint greal. yd oed rei hagen a|oed hoff ganthunt hynny. pa+
ny bei dyuot gỽr prud y|myỽn a|chrevydwisc ymdanaỽ. A
phan|doeth y myỽn hyt geyr bronn arthur. kyuarch ˄gỽeỻ y|r bren+
hin a|oruc. a dywedut ual y klywei baỽp o|r|ỻys. Arglỽydi
heb ef nanens ueudỽy drỽydof|i yssyd yn erchi y gỽbyl o|r|ke+
dymdeithyon a|gymerassant arnunt vynet yn geis ar seint
greal na|dyckont y·gyt ac ỽy na gỽreic na gorderch rac
eu|syrthyaỽ y|myỽn pechodeu marwaỽl. ac nat el neb o +vy
ỽn y keis onyt a|vo kyffessaỽl. neu ynteu a|el y gyffessu ~
Ac o|achaỽs y parabyl hỽnnỽ nyt aeth na gỽreic na morỽyn
ygyt ac|ỽynt. A|r brenhin a|erchis peri ỻetty y|r gỽr prud
da hỽnnỽ. Y vrenhines a|eistedaỽd yn ymyl galaath. ac ym+
ovyn ac ef laỽer o|e gyflỽr. ac ynteu yn|y|hatteb hi. Eissy+
oes dim am y|uot ef yn vab y laỽnslot ny|s attebaỽd. ac yr
hynny ual kynt ar ymadrodyon ereiỻ a|dywaỽt ef hi a|ad+
nabu y vot ef yn vab y laỽnslot. Ac yr|gỽybot hynny o+
hanei o|e eneu ef e|hun. hi a|ovynnaỽd idaỽ pioed mab ual
kynt
| « p 7v | p 8v » |