LlGC Llsgr. Peniarth 35 – tudalen 87v
Llyfr Iorwerth
87v
Ony cheiff yn| y maes a|e kymero y gan+
taỽ ac ynteu yn ardelỽ o arwassaf yn
lle arall; Roder oet idaỽ y keissaỽ y arwas+
saf. Nyt amgen Tri dieu yn un kymmỽt
Pytheỽnos yg gỽlat arall. Ac y uelly y
kerda hyt y tryded laỽ. kyfreith. diannot. Ac
os y tryded laỽ a keiff a|e kymerho o|e
llaỽ; y adel idaỽ. Eithyr nat oes annot.
Nyt iaỽn mynet reith yn ol daly a dam+
tỽng namyn arwassaf neu cadỽ kynn
coll neu geni a meithrin. Pỽy| bynhac
a| dotto y arwassaf ym penn arall a phallu
y arwassaf idaỽ. Bit leidyr kyuadef. ~
A hynny herwyd meint y lledrat a dal+
her gantaỽ. yn| y kyfreith. y mae hyt y pedeir
kyfreith. y uot yn lleidyr gwerth. Ac O hynny
allan yn eneit uadeu. Ereill a| dyweit
o bob anyueil pedwar troedaỽc y uot
yn eneit uadeu Eissoes diogelaf yỽ
hyt y pedeir. kyfreith. [ y lleidyr a| werther
seith punt yỽ y werth. [ yr hỽnn a| uo
eneit uadeu ny dylyir dim o|e da Ca+
ny dylyir diuỽyn a diwat Eithyr ta+
lu yr colledic y da. Sef achos yỽ vrth
na dyly adaỽ arnaỽ un dylyet. Kyfre+
| « p 87r | p 88r » |