Llsgr. Amwythig 11 – tudalen 54
Enaid Crist, Pa ddelw y dylai dyn gredu i Dduw
54
1
wenhaa vi o iessu da gỽarandaỽ vi ac n|at vi
2
ẏ wahanu ẏdẏ ỽrthẏt|i rac gelyn drỽc diffyn
3
vi ac ẏn aỽr agheu galỽ vi a gossot vi ẏ+
4
gẏt a thi val y molỽyf i ti gẏt a|th egelẏ+
5
on ẏn|ẏr oes oessoed Amen.*Yr|ymadraỽd
6
hỽnn a|dysc y dyn py delỽ y dyly credu y duỽ
7
a|charu duỽ a chadỽ y degheir dedyf ac
8
ymogclyt rac y seith pechot marỽol ac er+
9
bynneit seith rinwed yr eglỽys yn enryde+
10
dus a gwnaethur seith weithret y drugared yr y nef
11
P aỽl ebostol a dẏweit na ellir racg|bod
12
y duỽ hep ffyd ac o|achaỽs hynny llyma
13
ẏ mod ẏ mae ac ẏ|dẏlẏ dẏn gredu. Credu bot
14
ẏ tat a|r mab a|r ẏsprẏt glan ẏn vn duỽ te+
15
ir person Credu ẏr vn duỽ hỽnnỽ creu an+
16
ffurueidẏaỽ ẏ nef a|r daẏar ac ẏssẏd ẏndunt
17
ẏn hollaỽl o greadurẏeit ẏ rei a welir a|r
18
rei nẏ welir Ac ef ẏssẏd ẏn cadỽ ẏn ẏmdiffẏn
19
ac ẏn tywẏssẏaỽ. Credu dẏuot vn mab duỽ
20
holl·gẏuoethaỽc ẏ mru ẏr arglỽẏdes veir
The text Pa ddelw y dylai dyn gredu i Dduw starts on line 5.
| « p 53 | digital image | p 55 » |